وهابیلر كیمدیر

سوال: سالام. منی چوخداندیر بیر سوال ماراقلاندیریر! وهابی نه دیر؟ اونلار آدی موسلماندان نه ایله فرقله‌نیر؟ اونلارین مقصد و وظیفه‌لری حاقدا بیلدیكلرینیزی منده بیلمك ایستردیم. بونلار نئجه عبادت ائدیرلر؟ اونلار حاقیندا ائشیتدیگیم هر بیر شئی چوخ اییرنج و چوخ پیسدیر. چوخ ساغ اولون

جاواب: اللاها حمد اولسون. اونا سیغینیر، اوندان یاردیم دیله‌ییریك. سیز بیزدن وهابیلر حاقیندا معلومات وئرمه‌ییمیزی سوروشورسونوز. ایستر دوست اولسون ایستر دوشمن صؤحبت كیمدن، ندن گئدیر گئتسین بیزیم اوچون اهمیتلی دئییل، بیزیم اوچون هر شئیدن اوستون اولان اللهین امر ائتدیگی عدالتدیر.

"ائی ایمان گتیرنلر! (شاهیدلیگینیز) سیزین اؤزونوزون، آتا-آنانیزین، یاخین قوهوملارینیزین علئیهینه اولسا بئله، عدالتدن مؤحكم یاپیشان الله شاهیدی اولون! (علئیهینه شاهیدلیك ائده‌جه‌یینیز شخص) ایستر دؤولتلی، ایستر كاسیب اولسون، هر حالدا الله اونلارین هر ایكیسینه (سیزدن) داها یاخیندیر. نفسینیزین ایسته‌یینه اویوب حاقدان اوز چئویرمه‌یین! اگر دیلینیزی اییب بوزسه‌نیز و یا (دوغرو شهادت وئرمكدن، یاخود عوموما شاهیدلیكدن) بویون قاچیرسانیز، (بیلین كی) الله ائتدیگینیز ایشلردن خبرداردیر!” (ان-نیسه 135)

بو گونلری آذربایجاندا ان چوخ موزاكیره ائدیلن مسئله‌لردن بیری ده "وهابی” مسئله‌سیدیر. وهابیلیك نه دیر، وهابیلر كیملردیر؟ بو گون بو سواللا آذربایجانداكی 8 میلیون اینسانا مراجعت ائدیلسه، الله بیلیر بلكه ده 8 میلیون فرقلی جاواب آلینار. بیر سؤزله بو گون جمعیتیمیزده بعضی "وهابی” آنلاییشلاری وار.

افسوسلار اولسون كی، گونوموزده دینینه باغلی اولان، دینینی سئون، اللها تسلیم و اطاعته دایر وئردیگی سؤزه صادق قالماغا چالیشان موسلمانلارا "وهابی" دئییرلر. بو ایستر شیعه اولسون، ایستر سوننی اولسون، ایستر صوفی اولسون، ایستر حدیس اهلی اولسون، ایستر كلامچی - فلسفچی اولسون هر كسه عاید ائدیله بیلر. مثلا، اگر بیری دینیندن گذشت ائتمه‌ییب ایچكیلی توی مجلیسینه گئتمز و عائله‌سینی ده آپارمازسا و یا عائله‌سیندن حجاب تاخماسینی طلب ائدرسه بو آدام اولور رادیكال وهابی. یوخ اگر آدام بیر یاندان ناماز قیلیب سونرا ایلنجه‌لره قاتیلارسا اوندا او آدام اولور "یاخشی موسلمان” بونلارا "وهابی” دامغاسی‌نین وورولماسی‌نین تك بیر سببی، بونلار تك بیر "گوناهی” اللهین امرلرینی یئرینه یئتیرمه‌یه چالیشمالاریدیر. بونلار دینلرینی اولدوغو كیمی قبول ائدیب بویورولدوغو كیمی، یئرینه یئتیرمه‌یه چالیشدیقلاری اوچون اینسانلارین حدفینه چئوریلمیشلر.

صرف ائتمه‌ین، مانع اولان، حقیقتی بیلن، حاقی سؤیله‌ین هر كسه لازیم اولان واخت بو دامغانی وورماق قالیر. آرتیق كیم صرف ائتمیرسه اونون حاقیندا بیر كلمه "وهابی” دئمك كیفایتدیر. دینینه باغلی اولانلار ایسه چوخلارینا صرف ائتمیر.

زینا ائتمه، سیغه ائله‌مه، روشوت آلما، ایچكی ایچمه، ناركوتیك ایستیفاده ائتمه، قادین آلوئری ایله مشغول اولما، هوموسئكسواللیق ائتمه! توبه‌ ائت، ساققالی قیرخما، اللهدان باشقاسینا عبادت ائتمه...بو كیمه صرف ائدر كی؟ اللهین بو صادق قوللارینا قارشی موباریزه‌ده بیر چوخ زومره‌لرین ماراقلاری اوست اوسته گلیر. مثلا ناركوتیك ساتانلارین. واختی ایله ناركومان اولوب سونرادان توبه‌ ائدن بو "واههابیلر” اؤزلری توبه‌ ائتمكلری بس دئییل، ناركوتیك ایستیفاده ائدن گنجلری ده ایمانا دعوت ائدیرلر. سن توبه‌ ائتدین، من توبه‌ ائتدیم، بس ناركوتیك ساتانلارین پلانینی كیم دولدوراجاق؟ اونلاردان دا پلان طلب ائدنلر وار آخی. هم ده پلان طلب ائدن عینی زاماندا هم ده بو زهری ایستیفاده ائدنلردن ده دولانیر آخی. نتیجه‌ده بو بیزنئسه ایكی طرفلی ضربه‌ وورولموش اولور. حسابلاما واختی گلنده بوتون بونلارین گوناهكاری كیم اولور؟ "وهابیلر”!

یئنه جادوگرلر، فالچیلار، سئهربازلارین دا بیزنئسی دینینه باغلی اولانلارین (وهابیلرین) سایه‌سینده ضعیفله‌میش اولور.

یئنه دیلنچی بیزنئسینی الینده توتانلارا دا دینینه باغلی موسلمانلارین اولماسی صرف ائتمیر.

یئنه دینی تیجارته چئویرن گلیر منبعیی ائدن دینینی قورانی ساتانلارین دا ایشینه بونلار یارامیر. خورافات، مؤوهومات، جفنگییات اوزرینده اؤز بیزنئسینی قوران چوخلاری دا بو "وهابیلر” قارشی موباریزه‌ده اورتاقدیرلار.

یئنه آدام حاقی بیله-بیله شیطانین یولو ایله گئدیر. بیر گون قیزی و یا اوغلو اونا بو یولدان ال چكمه‌یه دعوت ائدیر. بو دا اونون نفسینه آغیر گلیر. یئنه گوناهكار آختارماق لازیمدیر. كیمدیر گوناهكار؟ "وهابیلر”.

دینینه باغلی اولانلارا (وهابیلره) قارشی داواداكی بو اتفاقا هله چوخلاری داخیلدیر. سیز هامینیز بونلاری بیلیرسینیز. چونكی اینسان سوساندا، بویون اینده اونا هوجوملار آز اولار، او مووققتی اولاراق "یاخشی موسلمانلار” سییاهیسینا داخیل ائدیلر. ائله كی، حاقی سؤیله‌میش اولدو هوجوملار چوخالار، "وهابی” دامغاسی وورولار. بو دامغا وورماق عادتی یئنی بیر شئی دئییل كی. پئیغمبرلره ده، اونلارا تابع اولانلارا دا، صالحلره ده تاریخ بویونجا دامغا ووروبلار.

سودیه عربیستانیندا حاكم اولان مذهب وهابیلیكدیرمی؟

بو گون سودیه عربیستانیندا حاكم اولان مذهب حاقیندا "وهابی” مذهبی دئییرلر. بو مذهبین اؤزللیكلری و فیكیرلرینی بیلمك اوچون موعیین ایسلامی بیلگی بازاسی‌نین اولماسی گركدیر. بیز قیسا اولاراق آنلاتماغا چالیشاجاغیق.

رسولوللاهین (س) دؤورینده علم اساساً سمادان گلن وحی و رسولوللاهین (س.) جانلی حیاتی واسطه‌سی ایله یئر اوزونده یاییلماقدا ایدی. پئیغمبر (س.) دونیانی ترك ائتدیكدن سونرا اونون ساحه‌به‌لری همن او میراثدان پراكنده شكیلده بحرلندیلر. اونلارین یئگانه كیتاب حالینا گتیردیكلری ایلاهی وحی اولان قوران اولدو. ساهابه‌لردن سونراكی دؤورلرده آرتیق پئیغمبر (س.آ.س.) دؤوروندن اوزاقلاشما سببیندن دولایی اونون بوراخدیغی علمی‌نین فورمالاشماسی، دوستورلاشماسینا احتیاج دویولدو.

بورادا دا اؤنه چیخان بؤیوك داهی عالیملر اطرافلاریندا هم فیكیرلرینی توپلایاراق بو علمی فورمالاشدیرماغا باشلادیلار. نتیجه‌ده اهلی-سوننتین سونرالار 4 بؤیوك مذهبی فورمالاشدی: هنفی، مالیكی، شافیی، هنبه‌لی. بورادا دا طبیعی كی فرقلی-فرقلی مكتبلر و اصوللارین اورتایا چیخماسی قاچیلماز اولدو. مثلا، باشدا ایبراهیم نهایی، هامماد، ابو هنیفه اولماقلا ایراق مكتبی اورتایا چیخدی.

بو مكتبین نماینده‌لری ریه بؤیوك اوستونلوك وئردیگی اوچون بونلارا ری اهلی دئییلدی. دیگر طرفدن مدینه‌ده ایمام مالیكی باشچیلیغی ایله، مصلحتی اساس آلان باشقا بیر مكتب اورتایا چیخدی. بونلاردان سونرا، بؤیوك حدیس عالیمی احمد ابن هنبل اورتایا چیخاراق حدیسچیلرین یولونو اورتایا قویدو.

بونون داوامچیلاری اولان ابن تئیمیه، ابن قایییم، ابن كسیر و دیگر بؤیوك عالیملر آرا سیرا بو اصولو دونیایا دویورور، عكس فیكیر اولان ری اهلی، كلام اهلی، فلسفچیلر بعضی تساووفچولارلا علملی موباهیسه‌یه گیریشیردیلر.

عصرین اولینده هیجاز بؤلگه‌سینده هنبه‌لی مذهبینه منسوب اولان موهامماد آبدول وهاب بو حركاتی (موهددیسلرین توتدوغو یولو، منیمسه‌دیگی اصول) جانلاندیردی. حدیسچیلرین فیكیرلری‌نین یایاركن دیگر یول توتانلارلا موناقیشه‌سی قاچیریلماز اولدو. نتیجه‌ده تأسفلر اولسون كی، بعضی قتللر اولدو. بو حركاتین دیگر اؤزوندن اؤنجه‌كی هنبه‌لیلرین حركاتیندان فرقلی اولان بیری ده بو حركاتین سییاسی طرفی ایدی. بو حركت نتیجه‌سینده سودیه عربیستانی و بیر نئچه خیردا دؤولتله قورولدو. اونا گؤره عبدولوههابین حركاتی هم مذهبی، هم ده سییاسی حركات اولموشدور. بو حركت حاقیندا سؤیلننلردن بعضیلری ایسه دقیق دئسك، قویا بو حركاتین اینگیلیسلر طرفیندن حاضرلانیب هیته كئچیردیگی ایسه جدی بیر دلیله دایانماماقدادیر.

بونو ادعا ائتمك اوچون الیمیزده هئچ بیر جدی اساس اولمادیغینا گؤره بیز اللهین كیتابینا گؤره بونو قبول ائده بیلمریك. بو گون "بیر اینگیلیس جاسوسونون اعترافلاری” قوران و سوننت كیمی فیتوا قایناقلاری یاییلماقدادیر. هئمفئرلرین كلامیندان دلیل گتیریلیر. بو یازیلانلار، سؤیلننلر ایسه جدیتدن اوزاق، آوام طبقه‌نین حیسسلری ایله اویناماغا یارایان اثرلردیر.

"ائی ایمان گتیرنلر! چوخ زننه-گومانا قاپیلماقدان چكی‌نین. شوبهه‌سیز كی، زننین بعضیسی (هئچ بیر اساسی اولمایان زنن) گوناهدیر. (بیر-بیرینیزین عیبینی، سیررینی) آراییب آختارمایین، بیر-بیرینیزین قئیبتینی قیرمایین! سیزدن بیرینیز اؤلموش قارداشی‌نین اتینی یئمه‌یه راضی اولارمی؟! بو سیزده ایكراه حیسسی اویادار (قئیبت ده بئله‌دیر). اللهدان قورخون. حقیقتن، الله توبه‌لری قبول ائدندیر، رحملیدیر!” (ال-هوجورات 12)

اونو دا دئمك اولار كی هانسی سییاسی خادیم جوربجور آداملارلا گؤروشمه‌میشدیر. مثلا ایرانداكی فئورال اینقیلابی‌نین بانیسی هم دین خادیمی هم ده بؤیوك سیاستچی آیتوللاه خومئینی اوزون ایللر فرانسادا یاشامیش جوربجور اینسانلارلا گؤروشموشدور. بیر گون بیری قالخیب "بیر فرانسیز جاسوسونون اعترافلاری” آدلی بیر كیتاب یازارسا، اونو اینكار ائتمك هر موسلمانلارا واجیب اولور.

"ائی ایمان گتیرنلر! اگر بیر فاسیق سیزه (پیس) بیر خبر گتیرسه، درحال (اونون دوغرولوغونو) یوخلایین، یوخسا بیلمه‌دن بیر قومه پیسلیك ائدر، سونرا دا ائتدیگینیزه پئشمان اولارسینیز!” (ال-هوجورات 6)

8 مارت – بیزیم اونا احتیاجیمیز وارمی؟

اللها و اونون پئیغمبرینه حمد و سلام اولسون.بیزلری یوخدان وار ائدن، یئدیردن، ایچیردن، هر جور نعمتلری قارشیمیزا چیخاردان اودور. بیزلر یالنیز اوندان اومور، یالنیز اونا عبادت ائدیر، یالنیز اونا احتیاج دویوروق. اینسانلاری فرقلی، كیشی و یا قادین، ساغلام و یا خسته یارادان، اینسانلارا هیدایت وئرن و یا اونلارین قلبلرینی باغلایان دا یالنیز و یالنیز اللهدیر.

رببیمیزین یاراتدیغی بوتون بو فرقلیلیكلر و یا عكسلیكلر جمعیتیمیزی فورمالاشدیریر. رببیمیز بیز اینسانلاری ان گؤزل شكیلده یاراتمیشدیر. بونون موقابیلینده بیز اینسالنالرین اؤهده‌سینه دوشن ان اؤنده وازیفه رببیمیزین یولوندا مؤحكم و قطعیتلی دایانماقدیر.

بو گون دونیا اؤزونون بیر چوخ اینكیشاف مرحله‌لرینی قت ائتمیش و مدنیتلرین سیخ صورتده بیر-بیری ایله قاریشدیغی بیر دؤوره قدم قویموشدور.

سؤزسوز كی، بو دا مدنیتلرین بیر-بیریندن كسكین بحرلنمه‌سینه گئنیش ایمكانلار آچمیشدیر. بئله بیر مورككب سوسیال-مدنی شرایطده ایسلام مدنیتی اؤز قودرتینی ساخلامیش، دونیا مدنیتلری‌نین ده ایسلامدان فایدالانماسینا شرایط یاراتمیشدیر.

بوتون بونلارا اساسلاناراق بئله بیر نتیجه‌یه گلمك اولار كی، دونیا ظاهری گؤرونوشونه گؤره مدنیتلرین چیچكلنمه‌سی دؤورونو یاشاییر. لاكین مثلاین بیر قدر گیزلی، داخیلی طرفلرینه نظر یئتیردیكده آیدین شكیلده موعیینلشدیرمك مومكوندور كی، دونیا، او جومله‌دن موسلمان مدنیتینه كسكین و اییرنج الاوالر نظره چارپیر.باشقا سؤزله دئسك دونیانین و موسلمانلارین مدنیت چیچكلری آراسینا سونی چیچكلر، سؤزون اصل معناسیندا تیكانلی كوللار اكیلمكده‌دیر.

بوندان اول والئنتین گونو حاقیندا دانیشدیقدا بو جور تیكانلی مدنیتلره قیسا دا اولسا، توخونموشدوق. بو مقالمیز ده گونوموزون رئاللیقلارینی عكس ائتدیرمك مقصدی داشیماقلا یاناشی، بو رئاللیقدا اؤزونو گؤسترن تیكانلی مدنیت پروبلئمی‌نین آراشدیریلماسی و آیدینلاشدیریلماسی مقصدی داشیییر.بو گون دئمك اولار كی، بوتون دونیا خالقلاری "8 مارت، بئین الخالق قادینلار گونو”نو بایرامینی قئید ائدیر. اؤنجه تقویمنلریمیزده 8 مارت تاریخی‌نین قیرمیزی، یعنی بایرام گونو كیمی قئید اولونماسی‌نین قیسا تاریخینه توخوناق ایستردیك.

بیلدیگیمیز كیمی 8 مارت تاریخی‌نین محض بو جور تنتنه‌لی شكیلده قئید اولونماسی بیلا واسیطه‌ كلارا چئتكی‌نین آدی ایله باغلیدیر. روس، كئچمیش سووئت و كوممونیست قایناقلاریندا وئریلن معلوماتا گؤره 1910-جو ایلده اینقیلابچی قادین كلارا چئتكین بئین الخالق قادینلار كونفرانسیندا 8 مارت تاریخی‌نین قادین پرولئتاریاتی‌نین دوغوم گونو كیمی قئید اولونماسی تكلیفینی ایره‌لی سورموشدور. اونون فیكرینجه 8 مارت بوتون دونیا قادینلاری‌نین اؤز برابرهوقوقلوغو اوغروندا موباریزه گونو اولمالی ایدی.

روسییادا بئین الخالق قادینلار گونو ایلك دفعه‌ 1913-جو ایلده پئتئربورق شهرینده قئید اولونموشدور.1965-جیل ایلدن 8 مارت استراحت گونودور. سووئت اتفاقی داغیلدیقدان سونرا 8 مارت بیر سیرا دؤولتلرین، او جومله‌دن آذربایجانین دؤولت بایراملاری سییاهیسینا داخیل ائدیلمیشدیر.

گؤروندویو كیمی 8 مارت تاریخی كلارا چئتكی‌نین آدی ایله باغلیدیر. معلوم اولدو كی، كلارا چئتكین اینقیلابچیدیر و قادین برابارهوقوقلوغو اوغروندا موباریزه آپارمیشدیر. بس كلارا چئتكینی اینقیلاب ائتمه‌یه وادار ائدن نه ایدی؟ او كیمدیر موباریزه‌سی نَیین اوغروندا ایدی؟

كلارا چئتكین دؤورونون اخلاقسیز، معنویاتجا چیركین، شؤهرتپرست بیر اینسانی اولماقلا یاناشی یاشادیغی جمعیتی ترفیندن قبول اولونمیان بیر اینسان اولموشدور. سؤزسوز كی، اونون اینقیلابی روحلاندیریلماسیندا و موباریزه‌یه قالخماسیندا دؤورونون بیر سیرا سییاسی عامللری ده موهوم رول اوینامیشدیر. محض بو عامل اونون چیركین موباریزه عزمینی داها دا آرتیرمیشدیر.

قایناقلاردا گؤستریلدیگی كیمی كلارا چئتكین بو موباریزه‌سینی تك دئییل، اطرافیندا اولان اؤزو كیمی بیر سیرا پوزغون، اخلاقسیز قادینلارلا بیرلیكده آپارمیشدیر. بیر اخلاقسیز قادی‌نین جمعیتده اؤز سؤزونو آچیق شكیلده قبول ائتدیرمه‌سی بو جمعیتین معنوی دیَرلردن چوخ اوزاق اولدوغونو ثبوت ائدیر. كلارا چئتكی‌نین فیكیرلری و ایدئولوگییاسی قادینلارین الله یولوندان ساپماسینا، جمعیتین داها دا پوزغونلاشماسینا سوروكله‌ین ایدئولوگییایا چئوریلمیشدیر. اصلینده كلارا چئتكین چیخیشلاری، كلارا چئتكین ایدئولوگییاسی سؤزون اصیل معناسیندا قادینلاری حقوقسوزلاشدیران، اونلاری گونوموزده‌كی بیر سیرا قلوبال بشری پروبلئملرله اوزلشمه‌سینه سوروكله‌ین ایدئولوگییادیر.

گلین بیر قدر ایسلامدا قادینا الله ترفیندن وئریلن حقوقلارا نظر یئتیرك. بشر تاریخینده قادی‌نین ایلك دفعه‌ تام و موكممل هوققوقلارا مالیك اولماسی محض اللهین گؤندردیگی قانونلاردان سونرا اولموشدور. دینیمیز قادینلارا ائهتیراملی اولماغی، اونلارلا گؤزل داورانماغی بویورموشدور.بونون اوچون ایسه ایل عرضینده اولان گونلاردن هئچ بیر مخصوصی گون آییرمامیشدیر.اللهین قانونو تكجه بیر گون اوچون دئییل، هر آن اوچون مووجوددور و قوه‌ددیر. بوتون بونلارلا یاناشی پئیغمبر(س.آ.و)این ده بیر سیرا حدیسی-شرعیفلرینده قادینلارا قارشی گؤزل داورانماق و اونون فضیلتلری گؤستریلمیشدیر.

عبدالله ابنو آمر (ر.آ)این روایت ائتدیگی بیر حدیسی-شرعیفده رسولوللاه(س.آ.و) بئله بویورموشدور: "سیزلردن ان خئییرلینیز قادینلارینا قارشی ان یاخشی داورانانینیزدیر.”. دیگر بیر حدیسده ایسه رسولوللاه (س.آ.و) بئله بویورموشدور: " ان خئییرلینیز قادینلارینا و قیزلارینا قارشی خئییرلی اولانینیزدیر.”

بورادان گؤروندویو كیمی دینیمیز بیزلره ایلین تكجه بیر گونونده دئییل، دایم قادینلارا و قیزلارا قارشی گؤزل و نزاكتلی داورانماغی بیز موسلمانلار اوچون ان آلی مسئله‌لردن بویورموشدور.

عمومیتله ایسلام گؤزللیك و سئوگی دینی اولماقلا اینسانلاری دایم بیر-بیرینه قارشی شفقتلی اولماغی، بیر-بیرینی سئومیی، بیر-بیریله ده گؤزل و سئوگیله داورانماغی توصیه‌ ائدیر. بوتون بونلار ایسه كلارا چئتكیندن چوخ-چوخ اول، هله ویی عصرده اللهین كیتابیندا بوتون اؤزللیكلری ایله اؤز عكسینی تاپمیشدیر.

جمعیتیمیزده بو گون ده بو جور بایراملارین مووجود اولماسی ایسلام و موسلمان مدنیتینه یاد اولماقلا یاناشی، موسلمانلار طرفیندن اونون بو جور تمتراقلا قئید اولونماسی سؤزوز كی، قوران و سوننه‌یه ضدیر و بو جور بیدتلره قارشی موباریزه آپارماق هر بیر موسلمانین بورجودور.

الله بیز موسلمانلاری قادینلارا قارشی داها ظریف داورانماقدا، اونلارلا عدالتلی اولماقدا یاردیمچی اولسون اینشاللاه. الله بیزیم آنا و باجیلاریمیزی دؤوروموزون كلارا چئتكینلری و اونلارا اوخشایانلارین فیتنه‌سیندن قوروسون، اونلارا هیدایت و نور نصیب ائله‌سین.

ایسلام دینینه گؤره بیزیم 8 مارتی قئید ائتمه‌ییمیز دوغرودورمو؟

سوال: اسسلمون آلئیكوم. ایسلام دینینه گؤره بیزیم 8 مارتی قئید ائتمه‌ییمیز دوغرودورمو؟

جاواب: اللها حمد اولسون.بایراملار همیشه بیر خالقین، بیر جمعیتین دونیا گؤروشونو عكس ائتدیرمكده‌دیر. یعنی بایراما ساده‌جه ایلین موعیین گونونده اینسانلارین بیر یئره توپلاناراق ایلنمه‌سی دئمك دئییل. بایرام توپلومون حیاتا باخیشینی، اینسانا باخیشینی تظاهر ائتدیرن چوخ اهمیتلی بیر واقیه‌دیر.

عینی زاماندا بایراملار جمعیتلرین عقیده‌سینی ده عكس ائتدیرمكده‌دیر. بو گون جمعیتیمیزده بیر چوخ بایراملار دقت ائدیرسینیزسه یاد جمعیتلرین اخلاقینی، حیات طرزینی ده اؤزو ایله برابر گتیریر (مثلا میلاد بایرامی، و س).

موسلمانلار بضا بایراملارلا خصوصی گونلری بیر-بیری ایله قاریشدیریرلار. اینسانلار طرفیندن قئید ائدیلن بعضی گونلر واردیر كی، اونلار بایرام دئییل (مثلا، مؤولود گونو، موستقیللیك گونو و س.). بو گونلری بایرام اولاراق اله آلماق دوزگون دئییلدیر. رسول (س) موسلمانین بایرامی‌نین ایكی اولدوغونو دئییر. بیلدیگیمیز كیمی بونلار قوربانلیق و رامازان بایرامیدیر. بو گونلری ده قئید ائتدیگیمیز واخت دقتلی اولمالیییق. دینی-معنوی دیَرلریمیزه ضد اولان گونلرین قئید ائدیلمه‌سی یول وئریلمزدیر (مثلا، 14 فئورال سئوگیلیلر گونو).

8 مارتا گلینجه اونو دئیه بیلریك كی، بو گون كوممونیست دؤوروندن بیزه یادیگار قالمیشدیر. ذاتاً بو گونون قئید ائدیلمه‌سی‌نین اساسینی قویان كلارا سئتكین ده بیر آلمان كوممونیستی ایدی. دونیادا دا بو گونو قئید ائدنلر اساساً كئچمیش كوممونیست اؤلكلریدیر. بو گونون منطیقینه گؤره همین گون قادینلار خاتیرلانمالی، اونلارا هدیه‌ وئریلمه‌لی و خصوصی حؤرمت گؤستریلمه‌لیدیر. قریبه‌دیر، قادینلارین هر جور آلچالدیلدیغی، بیر رئكلام واسطه‌سینه چئوریلدیگی گونوموزده اینسانلار بیر گون قادینلاری خاتیرلاماقلا وظیفه‌لرینی بیتمیش حساب ائدیرلر.

مارت آیینین 8 – ده قادینلار یادا سالینیر، ایلین سونراكی گونلرینده ایسه اونلار بار و دیسكوتئكالارا چیخاریلیر، موختلیف اؤلكلره جینسی ایستیسمار اوچون گؤندریلیر. قادین بدنی بیر شامپونون، بیر اترین، رئكلام ائدیلمه‌سی اوچون ائكرانلارا، قزئت و ژورنال صحیفه‌لرینه چیخاریلیر. و بونو ائدنلر اوتانمادان 8 مارت گونو قادینلاری تبریك ائدیر.

ایلین بوتون گونلرینده اونلاری ایستیسمار ائدن جمعیت بیر گون اونلاری خاتیرلاییر. اصلینده بو گون قادینلارا تحقیردیر. هئچ شوبهه‌سیز كی، ایسلام منشأ‌یی یاد و ضررلی عقیده‌لردن دوغان بو كیمی بایراملارین قئید ائدیلمه‌سی‌نین علئیهینه‌دیر. ایسلام قادی‌نین بیر گون دیَرلندیریلمه‌سینی ایستمیر، ایسلام قادینلارا ایلین بوتون گونلرینده اونلارین لاییق اولدوغو دیَری، حؤرمتی گؤسترمیی امر ائدیر. الله قورانی كریمده "اونلار (قادینلار) سیزین، سیز ده اونلارین لیباسیسینیز.” (بقره 187) دئیه بویورماقدادیر. یعنی قادین و كیشی بو قدر بیر – بیرینی بئله‌جه تاماملایان مخلوقلاردیرلار. عینی زاماندا قوران "(بو گؤزله‌مه مدتی ایچریسینده) ارلری باریشماق ایسترلرسه، اونلاری گئری آلماغا (هر كسدن) داها چوخ حاقلیدیرلار. (كیشیلرین قادینلار) اوزرینده شریعته گؤره حقوقلاری اولدوغو كیمی، (قادینلارین دا) اونلار (كیشیلر) اوزرینده حقوقلاری واردیر. (بقره 228) - دئیه بویورور.

بو حاقلار ایلین موعیین گونونده دئییل بوتون گونلرینده یئرینه یئتیریلمه‌لیدیر.

اللاه بیزی حاق یولوندان آییرماسین.

جنوبی كورئیادا ایلك ایسلام مكتبی آچیلیر

جنوبی كورئیالی موسلمانلار ایسلامی اؤلكه‌ده داها یاخشی تانیتماق اوچون اؤلكه‌ده ایلك ایسلام مكتبی‌نین یارادیلماسی ایستیقامتینده فعالیتلرینی اینتئنسیولشدیریبلر.

كورئیا تایمس قزئتینده درج اولونان خبره گؤره، جنوبی كورئیانین موسلمان لیدئرلری موسلمان اولمایان شاگیردلرین ده تحصیل آلا بیله‌جیی ایلك ایسلام مكتبی‌نین آچیلماسی اوچون فعالیتلرینی اینتئنسیولشدیریب.

كورئیالی موسلمانلار فئدئراسییاسی‌نین (كمف) باش كاتیبی كیم هوان یون سؤزوگئدن قزئته وئردیگی موساهیبه‌ده اؤلكه‌ده ایسلام علملری‌نین تدریس ائدیله‌جیی یئنی بیر مكتبین آچیلماسی ایستیقامتینده ایش آپاریلدیغینی بیلدیره‌رك مكتبین 2009-جو ایلده فعالیته باشلایاجاغینی قئید ائدیب. یون، تدریس مركزی‌نین سودیه عربیستانی طرفیندن مالیلشدیریلدیگینی بیلدیرمكله یاناشی، تحصیل موسسیسه‌سینده اینگیلیس و عرب دیللری‌نین، ایسلام علملری‌نین تدریسی‌نین نظرده توتولدوغونو دا وورغولاییب.

"جنوبی كورئیادا ایسلامین یاخیندان تانیدیلماسی اوچون تدریس موسسیسه‌سینده درنك آچیلماسی دا نظرده توتولور” - دئیه قئید ائدن باش كاتیب مكتبده موسلمان طلبه‌لرین عبادتلرینی راحت شكیلده یئرینه یئتیره بیلمه‌سی اوچون مسجید اینشا ائدیله‌جه‌یینی ده بیلدیریب. باش كاتیب بونونلا یاناشی، موسلمان اولمایان طلبه‌لره بو باره‌ده هئچ بیر تضییق گؤستریلمه‌یه‌جه‌یینی ده قئید ائدیب.

كورئیا تایمس قزئتی‌نین وئردیگی خبرده 2009-جو ایلده آچیلماسی نظرده توتولان تحصیل موسسیسه‌سینی ایله سودیه عربیستانی، مالایزییا و تایلاندداكی ایسلام تشكیلاتلاری ایله امكداشلیق ائده‌جیی و قئید اولونان اؤلكلرین تحصیل قوروملاری ایله طلبه‌ موبادیله‌سی پروقراملاری‌نین حیاتا كئچیریله‌جه‌یینی ده بیلدیریب.

قئید ائدك كی، یاخین گله‌جكده 150 مینه یاخین موسلمانین یاشادیغی جنوبی كورئیادا بؤیوك بیر ایسلام مدنیت مركزی‌نین آچیلماسی پلانلاشدیریلیر. معلومات اوچون بیلدیرك كی، مالیچی طرف اولان سودیه عربیستانی‌نین كورئیاداكی صفیرلیگی اینشااتین باشلانماسی اوچون ایلكین مرحله‌ده 500 مین دوللار مبلغینده وسایط اؤده‌ییب.

بیسمیلله كلمه‌سی‌نین معجزه‌سی

سورییانین طیبب یؤنلو موختلیف اونیوئرسیتئتلریندن جمعلشن 30 پروففئسوردان عبارت آراشدیرما قروپو 3 ایل بویونجا بیسمیلله ایله كسیلن و بیسمیللهسیز كسیلن حئیوان اتلری آراسینداكی فرقی موعیین ائتمك اوچون خصوصی لاباراتورییا شرایطینده آراشدیرما آپارمیشلار.

علم آداملاری، حئیوان و قوش كسیمی اسناسیندا ایسلام دینینه گؤره یئرینه یئتیریلمه‌سی زروری اولان "بیسمیلله، اللهو اكبر” سؤزونون كسیلن اتلر اوچون نه درجه‌ده اهمیت داشیدیغی‌نین و بیر سؤزله معجزه‌ دئییله بیله‌جك بیر دوروملا قارشیلاشمیشلار.

قروپون آدیندان آچیقلاما وئرن پروف.در. خالید خالوه، آراشدیرمالار اسناسیندا لاباراتورییا شرایطینده بیسمیللهسیز كسیلن دانا، قویون و قوشلارین ات تركیبینده لاختالی قان، چوخالماغا مئییللی اولان باكتئرییالار و میكروبلار موعیین اولوندوغو حالدا، بیسمیلله ایله كسیلن حئیوانلارین اتینین تركیبینده ایسه قان، میكروب و باكتئرییالارا راستلانمادیغینی ایفاده ائده‌رك، آراشدیرمانین بو حئیرت وئریجی نتیجه‌سی اینسان ساغلیغی نؤقطه‌ی-نظریندن طیبب عالمینده بو ساحه‌ده یئنی نالیتلر اولدوغونو وورغولادی.

بیسمیلله ایله كسیلن اتلرین فرقی

آراشدیرما قروپونون دیگر بیر عضوو اولان در.آبدولقادیر دیرانی، آراشدیرما و نتیجه‌لر باره‌سینده بونلاری سؤیله‌دی: "قورانی-كریمده الله آدی ذكر ائدیلمه‌دن كسیلن حئیوان اتینی یئمه‌یین” شكلینده‌كی ایلاهی امرین حیكمتیندن خبرسیز اولان اینسانلارین بو دورومو، منی بو آراشدیرمالارا قاتیلماغا سؤوق ائتدی. بیسمیلله و تكبیر ایله حئیوان كسیمی مؤوضوسوندا آراشدیرمایا باشلاركن، قروپداكی بیر قیسم یولداشلار بو مسئله‌یه سویوق یاناشدیلار. لاكین آراشدیرمالار اسناسیندا هر دفعه‌ الده ائتدیگیمیز حئیرت وئریجی نتیجه‌لر اساسیندا، قروپون بو نمایندهلری‌نین مسئله‌یه ماراقلاری آرتماغا باشلادی.

بیسمیلله و تكبیرله كسیلن حئیوان اتلری، بیسمیللهسیز كسیلن حئیوان اتلری‌نین عكسینه، ات تركیبلرینده قان و میكروبلارین اولماماسی بیسمیلله كلمه‌سی‌نین بیر معجزه‌ اولدوغو قارشیمیزا چیخدی. بیسمیلله ایله كسیلن حئیوانلارا لاباراتورییا شرایطینده میكروب آشكار اولونمادی”

آراشدیرمانین مئتود و تئكنیكی مؤوضوسوندا قروپون باشقا بیر عضوو اولان سورییا اونیوئرسیتئتی‌نین عجزاچیلیق عذره سابیق دئكانی پروف. در. نبیل شرعیف ده اؤز آچیقلاماسیندا بونلاری سؤیله‌دی: "بیسمیلله ایله كسیلن قوش، ایری بوینوزلو و خیردا بوینوزلو هئیولارین اتلریندن و بیسمیللهسیز كسیلن عینی حئیوانلارین اتلریندن نومونه‌لر گؤتوره‌رك خصوصی لاباراتورییادا میكروسكوپیك جیهازلارین آلتیندا 48 ساعت ساخلادیق. 48 ساعتدان سونرا بیسمیلله ایله كسیلن حئیوان اتلری‌نین نومونه‌لری آچیق قیرمیزی گول رنگی آلاركن، بیسمیللهسیز كسیلن ات نومونه‌لری ایسه، قارایا یاخین توند قیرمیزی بیر رنگ آلدی. بوندان علاوه‌ ایسه بیسمیلله ایله كسیلن اتلرده هر هانسی بیر میكروبا دا راست گلینمه‌دی. بیسمیللهسیز كسیلن اتلرین تركیبینده ایسه تام عكسینه اولاراق دایانمادان چوخالان، اینسان اورقانیزمی اوچون ضررلی اولان میكروب و باكتئریالار آشكار اولوندو. ”

ائلئكتریك ایله اؤلدورولن حئیوانلارین اتی

آراشدیرمادا ایسلامی اصولا گؤره كسیلن حئیوانلارین داها آز ازییت چكدیگی و اتلری‌نین ده داها ساغلام اولدوغو قئید اولوناركن، بعضی اؤلكلرده ائلئكتریك ایله اؤلدورولن حئیوانلارین قانی ووجوددا قالدیغی اوچون، بو جور اتلرین داها تئز خاراب اولدوغو بیلدیریلدی. محض بونا گؤره ده بو جور اتلرین تئز بیر زاماندا سویودوجولاردا دوندورولوب محافظه‌ ائدیلیر. بو ایسه اینسان اورقانیزمی اوچون تهلوكه‌ منبعیی حساب اولونور. لاكین ایسلام اصولونا گؤره كسیلن حئیوان اتلرینی ایسه قسسابا گؤندریب آخشاما قدر خاراب اولمادان قالا بیله‌جیی ایفاده ائدیلدی.

آمئریكالی قادین ایسلامی نئجه قبول ائتدی

موسلمان اولموش آمئریكالی نور آوبییئ موسلمان اولانا قدر كئچدیگی حیات یولونو بیزه نقل ائدیر:

"حكایه‌یه هارادان باشلایاجاغیمی بیلمیرم. رسمی اولاراق 2006-جی ایل یانوارین 1-ده سورییانین پایتاختی دمشقده موسلمان اولدوم.

2003-جو ایلده شهادت گتیرمیش، اللها اومیدلریمی و خیاللاریمی عرض ائتمیشدیم. اصلینده هر زامان اؤزومو موسلمان زنن ائدیردیم. آنجاق چوخ شئیدن خبرسیز ایدیم.

اینتئرنئتدن و كیتاب ساتیلان یئرلردن ایسلاملا باغلی اوبیئكتیو كیتابلار آختارماغا باشلادیم. آز دا اولسا دوغرو معلومات الده ائتدیم. لاكین چوخ واخت یانلیش شئیلر اوخودوم. بو، حقیقتی و دؤغرونو الده ائتمه موباریزه‌سی ایدی. قوران و سوننتدن باشقا نه وارسا، هامیسینی ترك ائتمك ایسته‌دیم. نئجه بیر موسلمان اولدوغومو بیلمك اوچون چوخ چالیشدیم. بو، منیم اوچون هم سئوینج، هم ده قلب آجیسی ایدی.

بیر نئچه دفعه‌ یونگول اخلاقلی موسلمانلارلا قارشیلاشسام دا بو، ساده‌جه ایمانیمین داها دا گوجلنمه‌سینه سبب اولدو. هر كسدن اوزاق بیر یئره چكیلیب آغلاماق ایسته‌ییردیم. ایلك واختلار موسلمان كیمی دوغولان اینسانلارین مندن داها اوستون اولدوقلارینی دوشونوردوم. آنجاق حقیقتی و دوغرونو اونلاردان داها یاخشی بیلمه‌ییم منی چوخ تعجبلندیردی. بونو بیلدیكده چوخ پیس اولدوم. موسلمانلارین حقیقتن ده سیخینتی ایچینده اولدوغونو گؤردوم.

محمّد صاففییه آدلی بیر موسلمان قارداش منه چوخ یاردیم ائتدی و من حال-حاضردا كانادادا، تورونتاداكی بئین الخالق موسلمان جمعیتینده (ایمو) اوخویورام. منیم اوراداكی معلمیم ایمام حمید سلیمی قلبلرین ایسلاما یؤنلمه‌سینه وصیله اولان چوخ مؤحترم بیر اینساندیر. الله بو ایكی شخصی جنّتله موكافاتلاندیرسین!

بورادا آدلارینی ذكر ائده بیلمه‌دیگیم بیر چوخ گؤزل اخلاقلی قارداش و باجیلارلا تانیش اولدوم. دوغرو یولدا منه دستك وئردیكلری اوچون الله اونلاردان راضی اولسون!

موسلمان و قئیری-موسلمانلار طرفیندن ایسلام حاقیندا یازیلمیش بیر چوخ كیتاب اوخودوم. چوخ واخت موسلمان عالیملرین علمیندن بحرلندیم. بونونلا یاناشی هر گون علاقه‌ده اولدوغوم و موختلیف مؤوضولاردا اولان ایسلامی معلوماتلاری درك ائدیب یاخشی بیر موسلمان اولماغیما وصیله اولانلار دا وار.

تورونتاداكی عائله‌ حیاتی: حكایه‌می، زننیمجه، اوشاقلیغیمدان آنلاتماغا باشلاییرام. اوشاقلیغیم تورونتونون جنوبوندا داغلیق بیر یئرده كئچیب. ایكی قارداشیمین اولماسینا باخمایاراق اؤزومو تنها حیسس ائدیردیم. تكباشیما اوینایار، خیاللارا دالاردیم. 3-4 یاشلاریندا ایكن حیات و اؤلومله باغلی یاتدیغیم یئرده - یاتاغیمدا دوشونجه‌لره دالدیغیمی خاتیرلاییرام. اللهین صیفتلرینی دوشونوردوم. همچی‌نین، اگر باشقا بیر شخص كیمی دوغولسایدیم، هانسی عائله‌نین عضوو اولاجاغیمی دا چوخ فیكیرلشیردیم. بو یاشدا اولان كیچیك بیر قیز اوچون بو فیكیرلر چوخ بؤیوكدور. عائله‌م بئله تك قالماق ایسته‌مه‌ییمه چوخ تعجبله‌نیردی. بضا بیر آغاجین تپه‌سینه چیخیب ساعتلارلا اورادان ائنمیردیم.

پیس بیر عائله‌ و دوست موحیطی: اوشاق واختی آناملا هردن كیلسه‌یه گئدیردیك. كیلسه‌یه گئتمك، صؤحبتلری دینله‌مك و اوراداكی خاچا باخیب او قوخونو آلماق منه خوش گلیردی. یئتكینلیك چاغینا چاتاندا چوخ آسی بیر قیز اولموشدوم. عائله‌م طرفیندن او قدر ده سئویلمیردیم. آتام ایچكی ایچر و خیردا شئیلردن دولایی بیزی دؤیردی. عائله‌مه و اؤزومه نیفرت ائدیردیم. چوخ پیس دوستلاریم وار ایدی و اونلارلا صفیل بیر حیات طرزی كئچیریردیم. هر زامان یئره باخاراق دانیشیردیم. هئچ كیمین اوزونه باخمیردیم. داواملی اولاراق قورخو ایچینده ایدیم. بیر یئره عاید اولماق حیسسی ایله دوستلاریملا// یولداشلاریملا نشه بئله چكیردیم. اللهین مندن خبردار اولمادیغینی دوشونوردوم. 18 یاشینا چاتاندا ائودن آیریلدیم و دؤولتین سپونسورلوق ائتدیگی بیر قروپلا بیریللیك سیاهته چیخدیم.

ایلك ایش موحیطی: ائوه قاییتدیقدا كوللئجه داخیل اولدوم و اوشاق و گنج زئهین ساغلاملیغی جمعیتینده ایشه باشلادیم. هر جور اوشاق تجاووزونو و پروبلئمینی گؤردوم. منیم قلبیمی و روحومو پارچالایان بیر موحیط ایدی.

ایشله‌مكله یاناشی، اونیوئرسیتئتده فلسفه و پسیخولوگییا اوخویوردوم. 25 یاشینا چاتاندا هم اونیوئرسیتئتی، هم ده ایشی بوراخدیم. اؤزومو هم فیزیكی، هم ده روحی اولاراق برباد وضعیتده حیسس ائدیردیم. چوخ واخت درین بیر سترئس ایچینده اولوردوم.

اینتیهار ائتمك ایسته‌ییردیم: بیر یاز آخشامی اؤزومو اؤلدورمك قرارینا گلدیم. حامامی سلیقه‌یه سالدیم و واننانی قاینار سو ایله دولدوردوم. ائوده‌كی ان ایتی بیچاغی الیمه آلدیم و یونگولجه بیله‌ییمه چكدیم. بیر آز قان چیخدی و او آندا ایچیمه بیر الله قورخوسو دولدو. سول چیینیمده شدّتلی بیر آغیرلیق حیسس ائتدیم. سانكی چیینیمده بیر ال وار ایدی. بوتون خاتیرلادیغیم بوندان عبارتدیر.

بیر نئچه ساعتدان سونرا اویاندیم. گونش چیخمیشدی، یئنی بیر گون دوغموشدو. او گونه قدر چیینیمده بئله بیر یوك حیسس ائتمه‌میشدیم. تكرار كیلسه‌یه گئتمه‌یه باشلادیم. هر بازار گونو آغلادیم. اورادا، آنكلیگان كیلسه‌سینده اولكی حیات یولداشیملا تانیش اولدوم.

بؤیوك قضا: 8 ایل بیر یئرده یاشادیق. سونرا آغیر بیر یول قضاسی كئچیردیم. 2001-جی ایلین مای آیی ایدی. ماشین منی 80 كم/ساعت سرعتله ووردو. بوینوم، كورگیم، چیینیم و دیزلریم جدی شكیلده یارالانمیشدی. موعالیجه‌ اولوندوم. اؤزومو چوخ پیس حیسس ائدیردیم. ائولیلیك حیاتیمین دا سونا چاتدیغینی دوشونوردوم. چوخ قمگین ایدیم.

11 سئنتیابر: 11 سئنتیابردان سونرا حیاتیم بوتونلوكله دیَیشدی. شوكا دوشموشدوم و چوخ برك قورخموشدوم. سانكی الله منه بیر سیلله وورموشدو. بو، باشقا بیر خبردارلیق مئساژی ایدی. بوتون دونیا منیم اوچون دیَیشدی، اینسانلاری و حادثه‌لری داها یاخشی باشا دوشمه‌یه باشلادیم. ایلك اول هامی كیمی من ده قورخموشدوم. داها چوخ مئدیانین منه سؤیله‌دیگی شئیله ماراقلانماغا باشلادیم.

موسلمانلار تئرروریست دئییلدیلر: ایش یئریمده‌كی موسلمان اولان یولداشلاریما باخدیم. بو اینسانلار تئرروریسته بنزمیردیلر. اونلارلا موناسیبت قوردوم. باش وئرن حادثه‌لرین گئوسییاسی سببلری ایله ماراقلاندیم. نه اوچون بیزه نیفرت ائدیرلر؟ سونرا قربین یوز ایللرله اورتا شرق و جنوبی آفریكادا ائتدیكلرینی اؤیرندیم. بیزه نه اوچون نیفرت ائتدیكلرینی اوندا باشا دوشدوم.

بو آراشدیرمالاری آپاراركن ایسلام باره‌سینده ده دوشونمه‌یه باشلادیم. بو باره‌ده آختاریشدا اولدوغوم واخت محمّد صافیه ایله قارشیلاشدیم. منه عرب الیفباسینی، عربجه اساس ایفاده‌لری اؤیرتدی. داها چوخ اؤیرنمك ایسته‌ییردیم. بیر نفر منه قورانین اینگیلیزجه ترجومه‌سینی وئردی. الله كلامی‌نین نورو قلبیمه دولماغا باشلادی. منی او قدر تأثیری آلتینا آلمیشدی كی، بوتون بونلاری اولجه بیلیب سونرادان اونوتموش كیمی زنن ائدیردیم.

موسلمان اولدوقدان سونراكی سیخینتیلار: ایلك آذانی ائشیتدیگیم زامان هؤنكور-هؤنكور آغلادیم. اوخودوغوم هر شئی قلبیمده ایز بوراخیردی. هم نشه، هم ده كدر قایناغی اولوردو. آمان الله، بو كلمه‌لری اوخودوقجا آغلاماق ایسته‌ییردیم.

ایسلام قلبیمی نورلاندیراركن منده‌كی بو دیَیشیكلیكدن دولایی بعضی اینسانلارلا موناسیبتیمده پروبلئملر یاراندی. منه گولدولر، تحقیر ائتدیلر و حدله‌دیلر. دوستلاریمی ایتیردیم، عائله‌مه یاد اولدوم. آنجاق قلبن دوغرو یولدا اولدوغومو بیلیردیم. موسلمان و قئیری-موسلمان یولداشلاریمین منی تعجبلندیرمه‌سی اونلار حاقیندا اومیدلریمین پوچ اولماسی ایله داوام ائتدی. اللهین ایزنی ایله آراشدیریب اؤیرنمه‌ییم داوام ائدیرم. اللها لاییق بیر قول اولماق اوچون دعا ائدیرم. اللهین كؤمیی ایله دوغرو یولدان آیریلمارام و اللهین نزدینده تواضعكار بیر اینسان اولاراق قالارام. آمین!

نور سوره‌سی و من: نور آدینی گؤتوردوم. چونكی نور سوره‌سی منیم اوچون چوخ اهمیتلی بیر سوره‌دیر. "الله گؤیلرین و یئرین نورودور. او، مؤمینلرین قلبینده اولان نورو ایچینده چیراق اولان بیر تاخچایا بنزه‌ییر؛ او چیراق شوشه‌نین ایچینده‌دیر، شوشه ایسه سانكی اینجی كیمی بیر اولدوزدور. او چیراق تكجه شرقه و یا تكجه قربه عاید ائدیلمه‌ین دایم گونش شوالاری آلتیندا قالان موبارك زئیتون آغاجیندان یاندیریلیر. اونون یاغی اؤزونه اود توخونماسا دا سانكی ایشیق ساچیر. بو، نور اوستونده نوردور. الله ایسته‌دیگینی اؤز نورونا یؤنلدیر. الله اینسانلار اوچون مثاللار چكیر. الله هر شئیی بیلندیر”.

منیم حكایه‌م بوندان عبارتدیر. اولا بیلسین، بو، چوخ اهمیتلی و تاریخده هئچ بیر زامان اولمایان شئی دئییل. لاكین من كیچیك بیر قولام و اللهین لوطف دریاسیندا بیر قطره‌ اولاراق هر گون منه وئردیگی هیدایت نورو اوچون شوكر ائدیرم.

مؤمینین هر ایشینده خئییر وار

حبسده اولان فلستین مجلیسی‌نین عضولری‌نین وكیللری اونلارلا كئچیردیكلری گؤروش زامانی ایكی وكیل و بیر كئچمیش ناظرین اسیرلیكده ایكن قورانی-كریمی ازبرله‌دیگینی بیلدیریبلر.

وكیللر سایجا اونونجو حؤكومتده دؤولت ناظری وظیفه‌سینی ایجرا ائدن موهندیس عیسی جبری، قودسدن سئچیلمیش دئپوتات محمّد تاهتوخ و ال – خلیل بؤلگه‌سیندن سئچیلن میللت وكیلی باسیم از-زاریرین قورانی تامامیله ازبرله‌دیكلرینی قئید ائدیب.

خاتیرلاداق كی، فلستین مجلیسی‌نین حبسده اولان صدری عزیز دووئیك ده قورانی-كریمی تجوید قایدالاری اساسیندا ازبرله‌ییب.

"مؤمینین هر ایشی خئییردیر. ایستر حبسخانادا، ایسترسه ده باشقا شرایطده اللهلا بیرلیكده اولماق لازیمدیر. عومرونو بوش ایشلره صرف ائتمه‌مه‌لی، حیاتینی اللها عبادته حصر ائتمه‌لیدیر”- دئیه محبوسلار مؤوضو ایله باغلی آچیقلامادا قئید ائدیبلر.

سویقیریم و یا دؤیوشمك ایسته‌مه‌ین میللت

31 مارت بیزیم سویقیریم گونوموزدور. یئنه ده قاری دوشمنی خاتیرلایاجاق، بیزی قیردیقلاری، قتل ائتدیكلرینی دونیایا آنلاتماغا چالیشاجاغیق. بلی، 1918-جی ایلده، ائله بو گون 30 مین آذری قتل ائدیلمیش، قالانلاری یورد-یوواسیندان قووولموش، ائو-ائشیگی تالان ائدیلمیشدیر.

بوندان سونرا قاراباغ ایتكیسی، شوشا، خوجالی... بونلار بیزیم فاجعه‌لریمیزدیر. بونو اونوتمامالی،ائولادلاریمیزا، گله‌جك نسیللره چاتدیرمالیییق. اما...

نه دئییرسینیزسه دئیین. من همیشه بو خالقی "مزلوم، یازیق خالق” اولاراق دونیایا تانیدیلماسی‌نین علئیهینه‌یم. دونیادا بو یولو اولجه یهودیلر گئتدی. و نه‌لرسه "نایل اولدولار”. ائرمه‌نیلر ده اونلاردان درس گؤتوردو. بو گون نه‌لرسه الده ائتدیكلرینی زنن ائتمكده‌دیرلر. اما نه‌لری "قازانسالار” دا مزلوملوق، یازیقلیق بو ایكی قومون فطرتی، مئنتالیتئتی حالینا گلدی. ایندی بیز ده بو یولو گئتمك فیكریندییك. ایتیردیكلریمیزی قایتارماق، بو یولدا ووروشماق، اؤلمك عوضینه قارا ماتم گونلری‌نین سایینی تویمیمیزده چوخالتماقلا مشغولوق. زننیمجه بو ووروشماق و اؤلمكدن قاچماغین بیر یولودور.

بیزیم "ماتم سئوگیمیز” شهیدلیك كیمی مقدس آنلاییشی بئله آدی یاس سویه‌سینه ائندیرمیشدیر. شهیدلیگی بیر فاجعه‌ اولاراق اله آلماق، همن گون قارالارا بویانماق شهادتین معناسیندان، اونون ماهیتیندن خبردار اولماماقدیر. و شهید اولماق ایسته‌مه‌مكدیر. شهادت گونو (كونكرئت 20 یانوار) بیر میللتین اؤزونو تسدیق گونو، شرف و عزت گونودور.

20 یاننواردان فرقلی اولاراق 31 مارت كوتلوی قیرغین گونو، فاجعه‌ گونودور. بو گونلرده بو میللت ظلمه اوغرامیشدیر. فقط بو دا اوغرادیغیمیز، بو ظلمو میللی كیملیگیمیزه چئویرمه‌یه حاق وئرمیر. بو پسیخولوگییا بیزی دؤیوشدن، ان اساسی قیصاص روحوندان اوزاقلاشدیریر. بو روحلا ان یاخشی حالدا موختلیف تشكیلاتلارین قاپیسیندا یالوارماق، اونلاردان چاره دیله‌مك اولار. اولا بیلر بو گون بیز دونیانین قارشیسیندا ضعیفیك.

اؤزوموزده ده دؤیوشمك روحو یوخدور. هئچ اولماسا اؤولادلاریمیزین تربییه‌سینی ماتملرله پوزمایاق. اونلاری باشقالارینا اؤزونو مزلوم گؤسترن، اونلاردان دردینه چاره آختاران مخلوقلارا چئویرمه‌یك.

منی آلداتما!

جمعیتین مادی و معنوی اینكیشافی بو جمعیتده یاشایان فردلرین اخلاقی كئیفیتلریندن آسیلیدیر. اگر جمعیتده معنوی و اخلاقی گئریلیك وارسا، بو جمعیتی تشكیل ائدن فردلرین اخلاقی دیَرلری‌نین آشاغی سویه‌ده اولماسیندان ایره‌لی گلیر. بو گون حاقیندا دانیشاجاغیمیز مسئله‌ ده یاشادیغیمیز جمعیتده فردلر آراسیندا معنوی جهتدن گئریلییه سبب اولان عامللردن بیری حاقیندا اولاجاقدیر.

بو منفی عامللردن بیری ده هر ایل آپرئل آیینین 1-ده گنجلر آراسیندا بیر-بیریلرینی آلداتما كیمی خوشا گلمز حاللارین یاشانماسیدیر. بیر-بیریلرینی آلداتماق اوچون ایناندیریجی اولسون دئیه موختلیف یالانلار اویدوران گنجلر بو كیمی عمللرین جمعیت اوچون نه درجه‌ده منفی فسادلار تؤرتدیگینی بلكم ده آنلامیللار. بیر شئیی آنلاماق لازیمدیر كی، هر بیر ناقص عمل دیگر ناقص عمل اوچون شرایط یارادیر. و بو زنجیرواری اولاراق داوام ائدیر. نتیجه‌ده ایسه آیری-آیری فردلر و یاخوددا عومومیلیكده جمعیت اذیت چكیر. كیمیسه آلداتماق اونا یالان دانیشماغا سؤوق ائدیر. كیمسه یالان دانیشماق ایسه همین آدامین حاقینا تجاووز ائتمك دئمكدیر. عمومیتله یالان هم چوخ اییرنج و حرام اولان عمل، هم ده ان بؤیوك گوناه ساییلیر. چونكی دیگر حرام عمللره آپاران یول یالاندان قایناغلانیر.

اوزون ایللر كافیر ایدئولوگییاسی آلتیندا یاشامیش خالقیمیزا، آپرئل آیینین 1-نی "آلداتما گونو” كیمی قله‌مه وئرمیشلر. هر هانسی بیر اینسانی آلداتماق ایسه اونون حیسسییاتلارینا، شخصیتینه حؤرمتسیزلیك دئمكدیر. آلدادان طرف زارافات نامینه ده اولسا اؤزونه قارشی اینسانلاردا اینامسیزلیق و اعتبارسیزلیق قازانمیش اولور. دئمه‌لی هر ایكی طرفدن بو عمل منفی حاللار دوغورور. ان اساسی ایسه كافیر ایدئولوگییاسیندان بیزه میراث قالان بوتون باتیل عمللری ترك ائدیب، ایسلامی اخلاقا اوز توتماق لازیمدیر. چونكی جمعیتین مادی و معنوی اینكیشافی اوچون اؤجا اللهین بیر سیستم اولاراق گؤندردیگی حیات طرزی، ایسلام شریعتیدیر. جمعیت محض بو ایسلام شریعتینه تابع اولدوجا اینكیشافا و ترققیه نایل اولاجاقدیر. چونكی اؤجا اللهین اینسانلار اوچون اویغون بیلدیگی یاشام طرزی ایسلام شریعتینده مؤوجوددور.

ایسلامین الله طرفیندن اینسانلارا گؤندریلمه‌سی‌نین سببلریندن بیری ده آلداتماغی و یالانی اینسان حیاتیندان سیلیب آتماقدیر. اؤجا الله قورانی-كریمده بئله بویورور: "یالانی آنجاق اللهین آیه‌لرینه اینانمایانلار اویدورورلار. اونلار اصیل یالانچیدیرلار!” ("نهل” سوره‌سی، 105)

"اونلار ائله گومان ائدیرلر كی، اللهی و مؤمینلری آلدادیرلار. بیلمیرلر كی، اصلینده آنجاق اؤزلرینی آلدادیرلار. اونلارین اورگینده مرز وار. الله اونلارین مرزینی داها دا آرتیرار. یالان دئدیكلری اوچون اونلار شدّتلی بیر عذابا دوچار اولاجاقلار!” ("بقر” سوره‌سی، 2/9-10)

بو جور داورانیشلارین بیر چوخ ضررری واردیر. بونلاری بعضیلرینی سیزه چاتدیرماق ایسته‌ییریك:

1. آلدادان شخص اینسانلارین اعتبارینی ایتیریر و اعتبارسیز آدام كیمی تانینیر. آلداتماق ایسته‌دیگی آدامی اویدوردوغو یالانلا ایناندیرماغا چالیشیر. و نتیجه‌ده اینسانلار طرفیندن یالانچی كیمی تانینیر.

2. آلدادان شخص آلداتدیغی اینسانلارین قول حاقینا تجاووز ائدیر: "قول حاقی” دا حددیندن آرتیق تهلوكه‌لی مسئله‌دیر. چینكی "قول حاقینی” الله باغیشلامیر، بو اللهین دئییل، بنده‌لرین حاقیدیر. آلدادیلان بنده آلدادان شخصی باغیشلاماسا، او شخص الله طرفیندن ده باغیشلانماز و جنّته گیره بیلمز. قییامت گونو آلداتدیغی‌نین قارشیلیغیندا آلدادانین ثاوابلاری آلداتدیغی شخصه وئریلیر.

3.آلدادان شخص اللهین غضبینه دوچار اولور: باشقاسینی آلدادان شخص اللهین قانونلارینی پوزدوغو اوچون اونون لعنتی و جهنم عذابی ایله قارشیلاشا بیلر.

بو گونلرده زارفاتلا دا اولسا بئله اینسانلاری آلداتماق، اونلارین حیسسلری ایله اویناماق ایسلام اخلاقینا ضد بیر حركتدیر. موسلمانین اخلاق و داورانیشینا تامامی ایله عكس اولان حركتدیر. بونا دایر پئیغمبریمیزدن (س.آ.س) روایت اولونان بیر حدیس بونا بیر داها ثبوتدور. الله ریسولو (س.آ.س.) بئله بویورور: "بیزه قارشی حیله‌ قوران (بیزی آلدادان) بیزدن دئییلدیر” ("كوتوبی-سیتت” 6642).

سهابه‌لردن بیری الله رسولوندان بئله سوروشور: "ائی اللهین رسولو! مؤمین قورخاق اولا بیلرمی؟”

"بلی!”، - دئدی. دئدیك "بس خسیس اولا بیلرمی؟”، یئنه ده:

"بلی!”، - جاوابینی وئردی. بیز بو دفعه‌ ده:

"بس یالانچی اولا بیلرمی؟”، - دئیه سوالیمیزا بو دفعه‌: "خئیر!”، - دئدی”.

<!--[ایف !سوپپورتلینئبرئاكنئwلینئ]--><!--[ائندیف]-->

حدیسلردن ده بللی اولور كی، موسلمان اولان اینسان هئچ كیمی زارافات دا اولسا بئله آلداتمامالی و یالان دانیشمامالیدیر.

محض بونا گؤره ده جمعیتیمیزین اینكیشافی و اینسانلاریمیزین معنوی ایره‌لیلییشی اوچون هر بیریمیز ایسلام اخلاقینا اویغون عمل ائتمه‌لیگیك. بیزه كافیرلردن گلن "1 آپرئل ایلنجه و آلداتما” كیمی حرام عمللردن چكینمه‌لی، هم بو گونده هم ده بوتون گونلرده دوغرو دانیشمالی و هئچ كیمی آلداتمامالیییق.

الله بو یولدا هامیمیزا كؤمك اولسون. آمین.