باخیش
پنجشنبه 3 فروردین 1391
بؤلوم | اخلاق یازار : نژادمحمد

سوننتده اخلاق

قورآنين نوزول مدتينده اخلاقي داورانيشين هر زامان اؤن پلاندا اولماسي سببسيز دئييل. چونكي قورآن ايلك موخاتابي اولان الله رسولونو اينشا ائدير. حضرتي آيشه‌دن رسولوللاهين اخلاقي سوروشولدوقدا “سيز هئچ قورآن اوخومادينيزمي؟ اونون اخلاقي قورآندي” جاوابيني وئرمه‌سي چوخ ماراقليدير.

بو جاواب قورآنين مقصدي‌نين اخلاق اولدوغونو گؤسترير. بئله كي قورآن ايلك موخاتابي اولان حضرتي پئيغمبره “اخلاقي داورانيش سيستمي” اؤيرتميشدير. اولجه‌دن اوندا اولان مؤهتشم اخلاقي اساسلاري داها دا مؤحكملنديرميشدير. يقين ائله اونا گؤره ده رسولوللاه پئيغمبر اولاراق گؤندريلمه‌سي‌نين سببيني بئله آچيقلايير: “من ساده‌جه گؤزل اخلاقي تاماملاماق اوچون گؤندريلديم”. (ابن هانبل، ايكي ، 381).

باشقا بير روايتده قورآنين اونا قازانديرديغي اخلاق سيستميني نظرده توتاراق “رببيم مني ادبلنديردي، نئجه ده گؤزل ادبلنديردي” بويورموشدور. الله رسولو، يوخاريدا دا وورغولاديغيميز كيمي ايمانين قييمت اؤلچوسو اولاراق “اخلاقي” اساس گؤتورموشدور. “ايماني ان گؤزل اولان، اخلاقي ان گؤزل اولاندير” (بوخاري، ادب 39) اونوتماياق كي، مككه دؤنمي‌نين حقوقو اخلاق، اونو حياتا كئچيرن گوجو ايسه ويجدان ايدي. عكس حالدا الله رسولونون الينده خيانت ائده‌ني جزالانديراجاق بير ايمكان يوخ ايدي.

جاهيليه عرب مدنيتينده “اخلاق” كلمه‌سي عوضينه ايستيفاده اولونوان ايفاده موروت (موروووت) ايدي. موروت، ايگيدليگين كاميل حاليدير. “اينسان، كيشي” معناسينا گلن “مر” كؤكوندن گلير كي، “قادين” عوضينه عربجه‌ده ايستيفاده اولونان مره “ديشي اينسان” دئمكدير. بو معناسي ايله موروت، اينسانين شخصيتي‌نين كمالينا دلالت ائدر. ابن كوتئيبه حضرتي پئيغمبردن بونو نقل ائدير: “بيري گليب “يا رسولوللاه، قومومون ان ياخشيسي دئييلممي؟” دئيه سوال وئردي. الله رسولو جاواب وئردي كي: “اگر آغلين وارسا اردمليسن (لكه فادولون)، اگر اخلاقين وارسا اينسانليغين (موروت) وار، اگر مالين وارسا خطرين (هاسب) وار، اگر مسئوليتين وارسا دينين وار” (3/295).

محمّدي دعوت جاهيليه‌نين قبيله‌چي آغلي‌نين عوضينه - شاقولي و اوفوقي،- ايكي باغ ياراتدي. بو باغلاردان بيري اينساني اللها، ديگري اينسانليغا باغلادي. شاقولي باغ اينساني “ايمان” و “تقوا” ايله اللها باغلادي. اوفوقي باغ ايسه اينساني “اخلاق” و “تربييه‌ي” باغلادي. دين ساحه‌‌سينده تقوانين اؤلچوسو “بيرر” (ياخشيليق – باخ: ال-بقره 177) و “صالح عمل” اولاراق آنلاشيلدي.

ايسلام مدنيتينده اخلاق نظريه‌‌لري

ابو هاييان ات-توهيدي، ال-ايمتا و-ل موانسه آدلي اثرينده ايننه-ل هولوق ابنو-ل حالق (اخلاق ياراديليشين اوشاغيدير) دئيير. (س.152)

ابن سينا اولجه اخلاقي “ياخشي اخلاق” و “پيس اخلاق” دئيه ايكييه آييرير و ياخشي اخلاقي دوغولوشدان، پيس اخلاقي سونرادان قازانيلميش اولاراق ديَرلنديرير. اونا گؤره فطري اولان ياخشيليقدير، پيسليك عاريزيدير (سونرادان اولان، كئچيجي) قاززالييه گؤره اخلاق، ياخشيليق ائتمه‌يين، اينساندا عادت حالينا گلمه‌سيدير.

ماوردييه گؤره اخلاق ايكي نؤودور:

1. غاريزيه (اينستينكتيو اولاراق اينسانين طبيعتينه قويولان) 2. موقتسبه (سونرادان قازانيلان)

ماوره‌دي قيدالانماق آليشقانليغي ايله اخلاق آراسيندا علاقه‌‌ قورموشدو. او دئيير كي: “بعضيلرينه گؤره خاصيت و اخلاق بدنين كيمياسال و بيولوژي قورولوشونا گؤره ديَيشير. زهرلي اؤدو چوخ اولان حيرصلي اولار، آز اولانسا باجاريقسيز اولار. قاني چوخ اولانين جسارتي، هرارتي چوخ اولار، آز اولانينكي آز." بو ياناشما حالال تيكه‌نين فطرته صداقت و اخلاقا دستك اولدوغونو تسديق ائدير. ماوره‌دييه گؤره خاصيت و اخلاق آراسينداكي فرق وار: اينسانين طبيعتينده اولوب لاكين مئيدانا چيخمايان شئيه “خاصيت” دئييلير، او مئيدانا چيخاندا ايسه آدي “اخلاق” اولور. كاراكتئر سونرادان قازانيلان ورديشلرله ديَيشديريله بيلمز، لاكين اخلاق ديَيشديريله بيلر.

ماوردي، ايلك دفعه‌‌ اخلاقي دواليست بير زمينده اله آلاراق "دونيا ادبي" (ادبو-د دونيا) و "دين ادبي" (ادبو-د دين) دئيه ايكييه آييردي. بو اصلينده قاززالي ايله دقته چارپان حالا گلن ائپيستئمولوژيك بؤلونمه‌نين، اخلاقي ساحه‌‌دكي قاباقجيلي ايدي. قاززالي‌نين مشهور كيتابي‌نين آدي، بو بؤلونمه‌نين بير سنه‌دي كيمي قارشيميزدادير: ايهياو اولومي-د دين (دين علملري‌نين ايهياسي). بئله بير ياناشما، علمي "اولومو-د دونيا" و "اولومو-د دين" اولاراق آييران بير آغلين اثري ايدي.

ابن ميسكوئيهين بو دعاليست اخلاق تئوريياسي باشقا پارچالانمايا دا قاپي آجدي. بَيان اهلي ايله ايرفان اهلي آراسينداكي اخلاق تسووورونه باغلي قوتبلشمه اونا ايستيناد ائدير. ايرفان مكتبلري نفس تربييه‌سي، زاهيدليك، چيله و س. كيمي آنلاييشلارلا ايفاده اولونان "اخلاق ساحه‌‌سيني" اؤز تكللرينه آلديلار. بو شكيلده ايسلام اخلاقي فقيهلرله صوفيلر آراسيندا پايلاشديريلدي. بعضي صوفيلر "بيرر" و "تقوا"ني اجتماعي مظمونوندان تاماميله اوزاقلاشديريلان بير اخلاق آنلاييشيني شوار الده ائدركن، بير قيسيم فقيهلر ده فردي تربييه، روح تربييه‌سي و نفس تزكييه‌سيني دقته آلمادان حالال-حرام فورماليزمينه محكوم اولدولار. نتيجه‌ده: "ايلاهي عدالت" ايله "بشري عدالت"اين آراسي آچيلدي. عدالت يالنيز آخيرته حصر ائديله‌رك اينسانين عدالتلي بير دونيا قورماق ادعاسي يوخ ائديلدي. آرتيق او عدالتلي دونيا آخيرتده قورولاجاقدي.

احمد ب. ميسكئوئيه تهزيبوعل-اخلاقيندا بئله دئيير: "اخلاق تحصيلينده بو سنه يئتر: بير-بيريندن آيري اوچ قوووت واردير. خاصيت، ورديشلر و تربييه‌يه باغلي اولاراق اونلاردان بيريني گوجلنديرر ديگريني ضعيفله‌ده بيلرسن:

1. "مله‌كيه" اولاراق بيلينن دانيشما قوووتي: آلت اولاراق بئيني ايستيفاده ائدير.

2. "بهيميه" اولاراق بيلينن شهوت قوووتي: آلت اولاراق جييري ايستيفاده ائدير.

3. "سبوعيه" دئيه بيلينن حيرص و وحشيليك قوووتي: آلت اولاراق اورگي ايستيفاده ائدير.

اينسانداكي فضيلتلرين ميقداري، بو گوجلرين ميقدارينا باغليدير." (19)

ابن حالدين، ارازي و ايقليمين اخلاق اوزرينده تأثيري اولدوغونو سؤيله‌يير. سودانليلارين رقص و ايلنجه‌يه دوشكون اولوشلاريني ايستي ايقليمله آچيقلايار.

ايهواني صفا، رسايلين اثرينده اخلاق اوزرينده اولدوزلارين تأثيريندن دانيشير. ابن سينا دا بنزر بير قناعته ماليكدير.

ادب، كاراكتئر، فضيلت، شرف، حئيثيت، خاصيت، طبيعت، ايراده كيمي ايفاده‌لر ده اخلاقلا بالي اولاراق ايشله‌ديلير. فارس مدنيتينده عادتا اخلاق يئرينه ادب ايستيفاده اولونور. لاكين بو ايكيسي آراسيندا فرق وار. عبادتلرله باغلي “اخلاق” دئييل “ادب” ايفاده‌سي ايشله‌ديلير. “ناماز اخلاقي” دئييلمير، “ناماز ادبي” دئييلير. ايسلام فيلوسوفلاري يونان دوشونجه‌سيني ده منيمسه‌يه‌رك ايسلام اخلاق سيستميني اوچ باشليق آلتيندا تسنيف ائتميشلر:

1. تدبيرو'ل-موتواههيد: شخصييت آخلاقي.

2. تدبيرو'ل-منزيل: عائله‌‌ آخلاقي.

3. تدبيرو'ل-مدينه: دؤولت آخلاقي.

بيرينجيسي حاقيندا ان موكممل اثري بؤيوك فيلوسوف ابن باججه يازميشدير: "تدبيرو'ل-موتواههيد". او شخصيتي موتواههيد كلمه‌سي ايله قارشيلاشديرميشدي. اوچونجوسو باره‌سينده فارابي موستقيل بير اثر قله‌مه آلميشدير: "ال-مدينتو'ل-فاديلا" (فضيلت دؤولتي). بو اوچونو بير يئرده توپلايان اثر ايسه عثمانلي مؤلفي اولان خيناليزاده الي چلبييه عايددير: "اخلاق-اي آلاي."