باخیش
شنبه 22 بهمن 1390
بؤلوم | مقاله لر یازار : نژادمحمد

يومشاق خاصيتليليك

نزاكت، كيبارليق، ظريفليك و يومشاق خاصيتلي اولماق اخلاقين نورمالاري‌نين تظاهرودور. اينسان، اونا قارشي حياتا كئچيريلن پيسليگي بئله ياخشي بير خيسلتله دف ائتمه‌ليدير. الله تاالا بويورور: “ياخشيليقلا پيسليك عيني اولا بيلمز! (ائي مؤ'مين كيمسه!) سن (پيسليگي) ياخشيليقلا دف ائت! (غضبه صبيرله، جهالته علمله، خسيسلييه جومردليكله، جزايا باغيشلانماقلا جاواب وئر!) بئله اولدوقدا آرانيزدا دوشمنچيليك اولان شخصي، سانكي ياخين بير دوست گؤررسن! بو (خيسلت) يالنيز (دونيادا مشققتلره) صبير ائدنلره وئريلير و يالنيز بؤيوك قيسمت (ثاواب، فضيلت) صاحبلرينه اتا اولونور”. (فوسسيلت، 34-35)

آيشه‌دن روايت اولونان حديثده پئيغمبر (اونا و عائله‌‌سينه اللهين سالاواتي و سلامي اولسون) بويورور: “حقيقتن، الله نزاكتليدير و بوتون ايشلرده نزاكتلي اولماغي سئور”. آيشه‌دن روايت اولونان ديگر بير حديثده ايسه رسولوللاه (اونا و عائله‌‌سينه اللهين سالاواتي و سلامي اولسون) بويورور: “نزاكتلي اولماق اولدوغو هر يئره يالنيز بزك وئرر، اوندان اوزاق اولان يئر ايسه يالنيز ضرر چكر”. انسدن روايت اولونان باشقا بير حديثده رسولوللاه (اونا و عائله‌‌سينه اللهين سالاواتي و سلامي اولسون) بويورور: “آسانلاشديرين، چتينلشديرمه‌يين! موژدله‌يين، كين بسله‌مه‌يين!” جرير بين عبدالله رسولوللاهدان (اونا و عائله‌‌سينه اللهين سالاواتي و سلامي اولسون) بئله ائشيتديگيني روايت ائدير: “نزاكتلي اولماقدان محروم اولان كس بوتونلوكله خئييردن محروم اولار”. نزاكتلي اولماغين عكسي كوبودلوقدور. الله تاالا بويورور: “اگر قابا، سرت اوركلي اولسايدين، البته‌‌، اونلار سنين اطرافيندان داغيليب گئدرديلر”. (الي عمران، 159) لاكين احتياج دويولان زامان كافيرلره و مونافيقلره قارشي سرت اولماق لازيمدير. الله تاالا بويورور كي، يا پئيغمبر! كافيرلره قارشي (قيلينجلا)، مونافيقلره قارشي (سؤزله) ووروش. اونلارلا سرت رفتار ائت”. (ات-تهريم، 9) بورادا الله تاالانين امرينه اويغون اولاراق قزه‌لنمه‌يين و سرت داورانماغين احتياج دويولان زامان ايجازه‌لي اولدوغونون شاهيدي اولوروق.