باخیش
شنبه 22 بهمن 1390
بؤلوم | مقاله لر یازار : نژادمحمد

یومشاق خاصیتلیلیك

نزاكت، كیبارلیق، ظریفلیك و یومشاق خاصیتلی اولماق اخلاقین نورمالاری‌نین تظاهرودور. اینسان، اونا قارشی حیاتا كئچیریلن پیسلیگی بئله یاخشی بیر خیسلتله دف ائتمه‌لیدیر. الله تاالا بویورور: “یاخشیلیقلا پیسلیك عینی اولا بیلمز! (ائی مؤ'مین كیمسه!) سن (پیسلیگی) یاخشیلیقلا دف ائت! (غضبه صبیرله، جهالته علمله، خسیسلییه جومردلیكله، جزایا باغیشلانماقلا جاواب وئر!) بئله اولدوقدا آرانیزدا دوشمنچیلیك اولان شخصی، سانكی یاخین بیر دوست گؤررسن! بو (خیسلت) یالنیز (دونیادا مشققتلره) صبیر ائدنلره وئریلیر و یالنیز بؤیوك قیسمت (ثاواب، فضیلت) صاحبلرینه اتا اولونور”. (فوسسیلت، 34-35)

آیشه‌دن روایت اولونان حدیثده پئیغمبر (اونا و عائله‌‌سینه اللهین سالاواتی و سلامی اولسون) بویورور: “حقیقتن، الله نزاكتلیدیر و بوتون ایشلرده نزاكتلی اولماغی سئور”. آیشه‌دن روایت اولونان دیگر بیر حدیثده ایسه رسولوللاه (اونا و عائله‌‌سینه اللهین سالاواتی و سلامی اولسون) بویورور: “نزاكتلی اولماق اولدوغو هر یئره یالنیز بزك وئرر، اوندان اوزاق اولان یئر ایسه یالنیز ضرر چكر”. انسدن روایت اولونان باشقا بیر حدیثده رسولوللاه (اونا و عائله‌‌سینه اللهین سالاواتی و سلامی اولسون) بویورور: “آسانلاشدیرین، چتینلشدیرمه‌یین! موژدله‌یین، كین بسله‌مه‌یین!” جریر بین عبدالله رسولوللاهدان (اونا و عائله‌‌سینه اللهین سالاواتی و سلامی اولسون) بئله ائشیتدیگینی روایت ائدیر: “نزاكتلی اولماقدان محروم اولان كس بوتونلوكله خئییردن محروم اولار”. نزاكتلی اولماغین عكسی كوبودلوقدور. الله تاالا بویورور: “اگر قابا، سرت اوركلی اولسایدین، البته‌‌، اونلار سنین اطرافیندان داغیلیب گئدردیلر”. (الی عمران، 159) لاكین احتیاج دویولان زامان كافیرلره و مونافیقلره قارشی سرت اولماق لازیمدیر. الله تاالا بویورور كی، یا پئیغمبر! كافیرلره قارشی (قیلینجلا)، مونافیقلره قارشی (سؤزله) ووروش. اونلارلا سرت رفتار ائت”. (ات-تهریم، 9) بورادا الله تاالانین امرینه اویغون اولاراق قزه‌لنمه‌یین و سرت داورانماغین احتیاج دویولان زامان ایجازه‌لی اولدوغونون شاهیدی اولوروق.