باخیش
سه شنبه 26 مهر 1390
بؤلوم | مقاله لر یازار : نژادمحمد

اينسان جانلي اثردير

بنده اللهين جانلي، مقدس، ان قييمتلي اثريدير. آدي بير رسسامين طبيعته باخيب چكديگي شكيلي قييمتلي اثر آدلانديريب، ائوينيزين يوخاريسيندان آسيرسينيز. عاما الله اؤز وارليغي، قودرتي و علميله، هئچ بير شئيه باخمادان هئچ بير كؤمك اولمادان جانلي اينسان اثريني ياراديب. صورتينه قلم چكيب، بدن-جسه‌ديني ائله قوراشديريب كي، ديزلره، توپوقلارا، بيلك و بارماقلارا سوموكدن ديگيرجكلر قويوب كي، اينسان ايسته‌ديگي واختدا هر طرفه آسانليقلا چئوريله بيلير. بو جور مورككب، معجزه‌‌لي، هئچ كيمين يارادا بيلمه‌ديگي بو جانلي اينسان اثريني قييمتسيز ائديب، كوچه‌لره، يئتيمخانايا، قوجالار ائوينين كونجلرينه آتيرلار. اينسانلارين بير قيسمي بو ايشلري تؤره‌ديرلر، ديگر قيسمي ايسه سوسوب تاماشا ائدير. هئچ بيريميز ويجدان عذابي چكيب اونلاري بو وضعيتدن چيخارا بيلميريك. عكسينه هره اؤز ساحه‌‌سينده گاه دنيز چيمرليگينده لوتلشير، آبير-حياسيني مقدسليك كسريندن سالير، گاه زينا ائدير، گاه دا اللهين خلق ائتديگي دوزگون بدن قورولوشونو ديَيشديريرلر، گؤزل صيفت جيزگيلريني پوزوب، ائستئتيك عملياتلاري آپاريب اؤزلريني عيبه‌جر جيلدلره ساليرلار و سايره. بوتون وارليقلاري يوخلوقدان يارادان اللهين جانلي اثري‌نين باشينا اويونلار آچيب يئرله-يئكسان ائديرلر. سونرا دا دئييرلر كي، الله بيزي بسبخت ياراديب، ظلملره دوچار ائديب. حال‌بوكي اينسانلارين دينج و سلامات ياشاماسي اوچون الله-تعالي كاميل پئيغمبرلر واسطه‌‌سيله مقدس كيتابلار گؤندردي بيزه دوغرو يول، داورانيش، ياشاييش قايدالاريني گؤستردي و اؤيرتدي. لاكين بيز اؤزوموز قانونو پوزوب، كيم هارادا فورصت تاپيرسا اورداجا قانونسوز زينا ائديب، اينسانا خاس اولمايان فسادلار تؤره‌ديب، هم وله‌دي-زينا دوؤولان كؤرپه‌لري، هم ده جمعيتي كورلاييريق. الله-تعالي اينساني، جين-شيطان و حئيواندان اوستون ياراتدي. اينسانا خاس اولان داورانيش قايدالاري مثلا، كبين، ائو-آوادانليق، اكمك-بئجرمك، آتا-آنا-اؤولاد بير-بيريني تانيماسي و سايره كيمي شئيلري حالاللاشديريب، قانونلاشديريب كي، اينسان اؤز مقدسليك كسرينده قالسين. چونكو، قورآن، اينسان، بركت، اللهين مقاميندان، عرش-الاني، جنّتي گؤروب گليبلر.

اينديكي زاماندا بو گون عائله‌‌ قوروب، صاباح نيگاه پوزانلار، شيطان قانونونا قوللوق ائديرلر. آتا-آنا-بالا آتانلار، شيطانا قوللوق ائدنلر يقين بيلسينلر كي، مووققتي چكديكلري بو كئف-لذت، مين ايللرله اوددا يانيب، يئنه ده تزه‌دن ديريليب اود توتوب يئنه يانارلار، يعني اونلارا اؤلوم اولماز كي، اؤلوب جانلاري قورتارسين. نئجه كي، حضرت الي علئيهيسسالامين قاتيلي ابني مولجه‌مين عذابي كيمي هر واخت عذابدا اولارلار.

حضرت الي(ه.س)-اين قاتيلي ابني مولجه‌مين برزخ عذابي.

“نورول-ابصار” كيتابيندا سئيّد مؤمين ابولقاسيم ابني محمّددن روايت ائديب دئدي:

مسجيدول-حرامدا(كعبه‌‌ده‌‌) ايبراهيم(ه.س) مقاميندا بير دسته آدامين ييغيشديغيني گؤردوم. سببيني سوروشدوم، دئديلر كي، بير راهيم(مسيحي) موسلمان اولوب، مككه‌يه گليب.گؤردوم كي، يون پالتار گئيميش، باشينا يون پاپاق قويموش جوسسه‌لي بير شيخ اوتوروب دانيشير:

“آراليق دنيزي‌نين كناريندا منيم بير عبادت-گاهيم واردي. بير گون دريا كناريندا بير كركس(قوزغون) گؤردوم، اوجا قايايا قوندو. اورادا اولان بير كيشي‌نين بدنيندن بير پارچا قوپاريب اوچدو. سونرا قاييتدي، يئنه اولكي كيمي اونون بدنيندن بير تيكه قوپاردي، دؤرد دفعه‌‌ بو دهشتلي صحنه‌‌ تكرار اولدو. سونرا همين كيشي قالخيب كاميل آدام اولدو ديريلدي، پارچالانميش بدني بوتؤولشدي. سونرا قوش قاييتدي، هر شئي تزه‌دن تكرارلاندي. من حئيرتده ايديم. گؤردوكلريم نه ايدي؟ بو كيشي كيمدير؟ تأسفلنديم كي، نييه اوندان هئچ بير شئي سوروشماديم. ايكينجي گون حادثه‌‌ يئنه تكرارلاندي. همين كيشي پارچالانيب، سونرا قالخيب بوتؤولشنده من درحال عبادتگاهيمدان چيخيب كيشي‌نين يانينا قاچديم. اونو اللها آند وئرديم كي، سن كيمسن، دينمه‌دي. دئديم: سني يارادانا آند وئريرم، آخي، سن كيمسن؟ دئدي: من ابني مولجه‌مم. دئديم: بو قوشلا اولان احوالاتين نه دير؟ جاواب وئردي: من الييبني ابوتاليبي(ه.س) اؤلدوردويوم اوچون الله-تعالي مني بو قوش واسطه‌‌سيله گؤردويون عذابا دوچار ائديب. من عبادتگاهي ترك ائديب، الييبني ابوتاليبي(ه.س) سوراقلاماغا گئتديم. دئديلر كي، حضرت الي(ه.س) حضرت محمّدين(س.ه.س) عمي اوغلوسو و وصيسيدير. درحال من ايسلامي قبول ائتديم و اللهين ائوينين زيارتيني و پئيغمبرين(س.ه.س) قبري‌نين زيارتينه گلديم...

بو اولان حديثي يازماقدا مقصديم اينسانلاري قفلت يوخوسوندان اوياتماق، ماراقلي ايلنجه‌لردن آييرماق، حقيقتلري آنلاتماقدير، اونو بيلين كي، الله-تعالي بو جانلي اينسان اثريني، بو گؤزل معجزه‌‌لي عالملري ياراتماقدا حيكمت وار. او، بؤيوك، اوجا-ذاتدان قورخون، حيا ائدين، ائهتيراملا داورانين. او، بؤيوك وارليق بو قدر معجزه‌‌لي عالملري، ايچينده‌كي مؤوجودلاري ايلنجه و اويونجاق اوچون ياراتماييب كي، كئف-لذت چكيب گؤزل دونياني چيركابا بولاشديراسينيز. مگر سيزي بير سهماني ائوه، آليجناب عائله‌‌يه قوناق دعوت ائديرلر كي، گئدين اونلارين سهمانلي ائويني داغيدين، زير-زيبيله بولاشديرين، نلاييق سؤزلر دانيشيب، حركتلر ائديب او جور آليجناب عائله‌‌نين سهمانيني پوزاسينيز؟ و سايره...