باخیش
چهارشنبه 9 شهریور 1390
بؤلوم | عومومي یازار : نژادمحمد

ناماز ايسلامداندير. چونكي ناماز ايسلامين ديرگيدير. ايسلامي نامازسسيز تسووور ائتمك مومكون دئييلدير. ديلين عملي كلمه‌ي-شهادتي سؤيله‌مكديرسه، بده‌نين ده عملي ناماز قيلماقدير. ناماز قيلماق كلمه‌ي-شهادتي تسديق ائتمكدير. ناماز قيلماياراق، يالنيز ديل ايله كلمه‌ي-شهادتي سؤيله‌مكله اؤزونو موسلمان سايماق ايسه اينسانين يالنيز اؤزو-اؤزونو آلداتماسيدير.

عمر ابن خطتابدان (ر.آ) روايت ائديلميشدير: بير گون رسولوللاه (س.آ.س) حضوروندا اوتورموشدوق. بو واخت پالتاري دوماغ، ساچلاري اولدوقجا قارا، اوزرينده يول گلمه‌ين و يورغونلوق علامتي گؤرونمه‌ين و آراميزدا هئچ كيمين تانيماديغي بير نفر ايچري گيريب، پئيغمبر – سللاللاهو آلئيهي و سلم- اين يانيندا اوتوردو. ايكي ديزيني اونون ديزلرينه سؤيكييب، اللريني ديزلري‌نين اوستونه قوياراق دئدي: "ائي محمّد، منه ايسلام حاقيندا خبر وئر”. رسولوللاه – سللاللاهو آلئيهي و سللم – بويوردو: "ايسلام، اللهدان باشقا ايلاه اولماديغينا، محمّدين اللهين رسولو اولدوغونا شهادت ائتمك، ناماز قيلماق، زكات وئرمك، رامازاندا اوروج توتماق، بئيتي ايمكان اولدوقجا حج ائتمك”. آدام: دوغرو سؤيله‌دين، دئدي. عمر دئدي: "آداما حئيرت ائتديك. هم اونا سوال وئرير، هم ده اونون سؤيله‌ديكلريني تسديق ائديردي”. عمر دئدي: سونرا او آدام دوروب گئتدي”. بير مدتدن سونرا پئيغمبر منه بويوردو: "ائي عمر، او سوال وئره‌نين كيم اولدوغونو بيليرسن؟” الله و رسولو داها گؤزل بيلير. پئيغمبر بويوردو: "او، جبراييل – علئيه سلام – ايدي. سيزه دينينيزي اؤيرتمه‌يه گلميشدي” (موسلوم، 8/14)

همچي‌نين ابو آبدوررهمان عمر ابن خطتاب (ر.آ) روايت ائدير كي، من رسولوللاهين (س.آ.س) بئله بويوردوغونو ائشيتديم. "ايسلام بئش تمل اوزرينده بينا ائديلميشدي. اللهدان باشقا ايلاهي اولماديغينا و محمّدين اللهين رسولو اولدوغونا شهادت گتيرمك، ناماز قيلماق، زكات وئرمك، بئيتي حج ائتمك و رامازان آيينين اوروجونو توتماق”.

نامازين ايسلامدان اولدوغونا داير بير باشقا روايتده ميهجانين (ر.آ) حادثه‌‌سيدر: بير گون رسولوللاه (س.آ.س) ايله بير مسجيدده ايكن ناماز اوچون آذان اوخونور، رسولوللاه (س.آ.س) قالخاراق جاماعتا ناماز قيلديريب يئنيدن يئرينه دؤنور. بيردن اطرافا باخاركن ميهجانين كناردا دوردوغونو (ر.آ) گؤرور و اونا طرف دؤنه‌رك "سنين جامماتلا ناماز قيلماغينا انگل نه اولدوكي، يوخسا سن موسلمان بيريسي دئييلسن؟” دئدي. ميهجان (ر.آ) "بلي يا رسولوللاه! من موسلمان بيريسييم، فقط من بو نامازي ائويمده قيلميشديم” دئدي. رسولوللاه (س.آ.س) دا : "جاماعت نامازينا گلديگين واختي، نامازي ائوينده قيلميش اولسان بئله تكرار جاماعتلا ناماز قيل” بويوردو. (ماليك:1/32، احمد:4/34، ابن هيببان:433، حاكم:1/44)

مؤوضو ايله علاقه دار باشقا روايتده عمر ابن خطتابدان (ر.آ) بئله روايت اولونور: "نامازي ترك ائده‌نين ايسلامدان پايي يوخدور”.(ماليك 1/40، سونه‌ني-دراكوتني 2/52، آبدوررززاك موسننف: 5010)

بو هديسلردن گؤروندويو كيمي ايسلام ظاهري عمللري احاطه‌‌ ائدير. شهادت كلمه‌سيني ديل ايله سؤيله‌مك ديلين عملي، ناماز، اوروج، حج بد‌نين، زكات ايسه مالين عمليدير.

دئمه‌لي تكجه ديل ايله كلمه‌ي-شهادتي سؤيله‌مك و عمللرده بونو گؤسترمه‌مك اينساني ايسلاما داخيل ائتمير. چونكي كلمه‌ي-شهادت يالنيز ديلين عمليدير. بده‌نين عملي ايسه نامازدير. محض بونا گؤره ده نامازي ترك ائدن آدام ايسلام دينيندن چيخميشدير.