روحلارين آخيرتده‌كي وارليغي ايله علاقه دار دين

 

روحلارين دونيا و آخيرتده‌كي وارليغي ايله علاقه‌لي بعضي آيتلرين ايضاحلاري

 

•بقره، 154-جو آيه: «الله يولوندا اؤلدورولنلره (شهيد اولانلارا) "اؤلو" دئمه‌يين. عكسينه، اونلار (الله درگاهيندا) ديريديرلر، لاكين سيز بونو درك ائتميرسينيز». تبري (ر.ه) (م. 839)، بو آيه‌ني بئله ايضاح ائدير (1/373-375): «الله يولوندا اؤلدورولنلره: "اونلار اؤلودورلر" دئمه‌يين. چونكي اؤلو، لذت آلماز، نعمتلري باشا دوشه بيلمز. حال‌بوكي الله يولوندا اؤلدورولن كيمسه حياتدا و نعمتلر ايچريسينده‌دير، گؤزل بير حيات سوردورور. جنّت يئيه‌جكلريندن روزيلنديريليرلر. اونلار برزخ عالمينده‌ديرلر و اورادا نعمتلنديريليرلر. فقط سيز اونلاري گؤرمه‌ديگينيزه گؤره ديري اولدوقلاريني بيلمزسينيز. قبرده مؤمينلرله شهيدلرين حالي فرقليدير. مؤمينلر، جنّت نعمتلريني ساده‌جه گؤرورلر و اونا قوووشماق اوچون تلسرلر. شهيدلر ايسه، آيتين ده بيلديرديگي كيمي، قبر حياتيندا بئله جنّت نعمتلريندن يئير-ايچر، ايستيفاده ادرلر». ابو هاييان اندولوسي (ر.ه) (م. 1255) بو آيه‌ني بئله ايضاح ائدير: «اينسانلار بو حيات حاقيندا ايختيلاف ائتديلر. بعضيلري بونون معناسي «جسدلري خاريج، روحلارين ابديليگيدير، چونكي بدنلرين چورودويونو گؤروروك» دئديلر. بير قيسمي ده «شهيد، روح و جسه‌دي ايله ديريدير» دئديلر. بيز بونو بيله بيلمه‌ديگيميز اوچون اونلاري پيسلميريك. بيز اونلاري اؤلولر كيمي گؤروروك، حال‌بوكي اونلار ديريديرلر. چونكي حضرت الله: «داغلاري حركت ائتمز گؤرورسن، اونلار بولودلار كيمي حركت ائدرلر»-بويورور. عينيله ياتان بير كيمسه‌ني ياتاقدا گؤرورسن. او، ايسه يوخوسوندا اؤزونو نعمت و يا عذابدا گؤرور. بونون اوچون حضرت الله: «اصلينده اونلار ديريديرلر. سيز بيلمزسينيز» بويورور. بونو مؤمينلره خيتابن سؤيله‌ييب بو گؤزلري ايله گؤرمه‌ديكلريني و ائشيتمه‌ديكلريني بيلديرير و بونونلا شهيدي ديگرلريندن آييرير. اگر صؤحبت يالنيز روحون حياتيندان گئديرسه، ديگر اؤلولره بنزه‌ديگينه گؤره اونلاردان آيريلا بيلمز. بوتون مؤمينلر روحلارين ياشاديغيني بيلينجه «سيز بيلمزسينيز» دئييلمزدي. بونون معناسي بودور كي، حضرت الله بعضي ائوليياسينا كشف ائديب بونو گؤسترير». المالي (ر.ه) (م. 1875) بو آيه‌ني بئله ايضاح ائدير: «بونونلا سون درجه‌ عذاب دويوب تلاش و اوميدسيزلييه دوشمه‌يين. خئير، اونلار اؤلو دئييل، گئرچك حياتلا ديريديرلر. آنجاق سيز دويمازسينيز، اونلارين حياتيني حيسس ائتمزسينيز. او حيات بو دونياداكي ظاهري دويغولارلا حيسس ائديله‌جك بير حيات دئييلدير. او، روحاني بير حيات، داها دوغروسو عاغيلين آلا بيلمه‌يه‌جيي بير حياتدير. حسن بسري (ر.ه) بويورور: «شهيدلر الله قاتيندا ديريديرلر. روزيلري روحلارينا وئريلير و اؤزلرينه راحتليق و فرح گلير. اويغون اولاراق فيراوون عائله‌سينه ده صاباح-آخشام آتش گؤستريلير و اؤزلرينه بو عذاب و الم گلير». بو آيه‌ده روحلارين باشلي-باشينا آياقدا دوران و حيسس ائديلن بدن جؤوهريندن باشقا بير «اؤزو» اولدوغونا و بونون اؤلومدن سونرا ائشيديجي بير حالدا قالديغينا ايشاره واردير. سهابه‌نين و تابيي‌نين چوخلوغونون گؤروشو بودور. بونا ايشارت ائدن چوخلو آيه و حديس واردير. او حالدا بورادا بونون شهيدلره عايد ائديلمه‌سي الله يانيندا يوكسكليگيني بيلديرمك اوچوندور». شئيدله (ر.ه)، «كيتابول بورهان في اولوميل قورآن» كيتابيندا يازير: «حضرت الله بويوردوغو حالدا، «ديريلر نئجه اؤلو اولورلار» دئييليرسه، جاوابيندا دئييريك كي، حضرت الله اونلاري قبرلرينده ديريلده بيلر. روحلاري بدنلري‌نين بير حيصه‌سي ايله علاقه‌لي اولور و بو حيصه‌ ايله بوتون بدني نعمت و لذتلري حيسس ائدر. ديري بير كيمسه‌نين بدني‌نين بير حيصهسي‌نين اوشومه‌سي و يا ايسينمه‌سي آنيندا بوتون بدنين اوشومه‌سي و يا ايسينمه‌سينه بنزر». سناوللاهي پاني پوتي (ر.ه) (م. 1730)، «تزكيرتول-مئوتا»: «حضرت الله، شهيدلر حاقيندا «اونلار ربلري‌نين قاتيندا ديريديرلر» بويورور. دئييريك كي، هر حالدا بوندان مقصد «حضرت الله، اونلارين روحلارينا، جسدلرينه قوت وئرير، ديله‌ديكلري يئره گئدرلر» دئمكدير. بو حؤكم يالنيز شهيدلره مخصوص دئييل. پئيغمبرلر و عاليملر شهيدلردن اوستوندور. ائولييا دا شهيدلر حؤكمونده‌دير. چونكي نفسلري ايله جيهاد ائتميشلر. بو ايسه بؤيوك جيهاددير. حديسده‌كي «كيچيك جيهاددان بؤيوك جيهادا دؤندوك» بونا ايشارتدير. بونون اوچون ائوليياوللاه: «روحلاريميز، جسدلريميزدير» دئميشلر. يعني اونلارين روحلاري بدنلري‌نين ايشيني گؤرر. بضا جسدلري لطيفليگين چوخلوغوندان روحلاري كيمي يوكسه‌لير. دئييرلر كي، رسولوللاهين (س.آ.بئش ) گؤلگه‌سي اولماييب. اونلارين روحلاري، يئردن، گؤيدن وجنّتدن ايسته‌ديكلري يئره گئدرلر. سئوديكلرينه و اؤزلرينه اينانيب باغلانانلارا دونيا و آخيرتده يارديم ائدرلر. دوشمنلري هلاك ائدرلر. روحلاردان اووئيسيليك يولو ايله باطيني فئيض گلير. بو حياتلاري سببيله اونلارين جسدلريني تورپاق چوروتمز. اصلينده كفنلري ده اولدوغو كيمي قالير. ابني ابي دونيا (ر.ه) (م. 823)، ايمام ماليكدن (ر.ه) بيلديرير: «مؤمينلرين روحلاري ديله‌ديكلري يئره گئدرلر. مؤمينلردن مقصد كاميل اولانلاردير. حضرت الله اونلارين جسدلرينه روح قوتي وئرير. قبرلرينده ناماز زقيلارلار، ذكر ائدرلر، «الله، هر سلام وئريلديكجه روحومو بدنيمه گئري قايتارير» دئمك، «روحومون بدنيم اوزرينده‌كي تللوقونو علاقه‌سيني داوام ائدر» دئمكدير. يوخسا بعضيلري‌نين زنن ائتديگي كيمي هر سلام وئرديكجه روحو سعادت جاواب وئرير، سونرا قبز اولونور» دئمك دئييلدير.