پئيغمبر حضرتي خديجه‌ني نييه اۇنوتموردو؟

حضرت رسولوللاه (س) هز. آيشه ايله عائله‌ صؤحبتي‌نين بيرينده حضرت خديجه‌ني ياد ائده‌رك، اۇزون-اۇزون اوْندان بحث ائده‌رك، اؤتن گۆنلري خاتيرلاميشدي. هز. آيشه اوْندان سوْروشموشدو:

- يا رسولوللاه، ايللر اول وفات ائتميش ياشلي بير قاديني بۇ قدر خاتيرلاماغين نه فايداسي وار؟ الله سنه اوْندان داها گنج و داها گؤزه‌ليني بخش ائديب. آغزيندا ديشي بئله قالماميش قوْجا قادي‌نين عوضينه گنج بير قادين بخش ائديب.

هز. رسولوللاه (س) هز.آيشه‌يه بۆتون خانيملارا عيبرت اوْلا بيله‌جك بۇ سؤزلرله جاواب وئريب:

- يا آيشه، ايللر اؤتدويو حالدا خديجه‌ني اۇنوتماماغيمين سببي اوْنون خاريجي گؤزلليگيندن دئييل. هر كس مني اينكار ائتديكده، خديجه منه ايناندي، مني تسديق ائتدي. اطرافيمداكيلار منه يالانچي دئديكده، خديجه منه دوْغرو سؤزلو اوْلدوغومو، مقصديمدن ال چكمه‌مه‌ييمي سؤيله‌دي. اينسانلار مندن قپيك اسيرگه‌ديكده، خديجه بۆتون ثروتيني منيم ايختيياريما وئردي. دۆنيادا يالنيز قالديغيمدا خديجه اصلا مني ترك ائتمه‌دي، بۇنلارين هاميسي‌نين مۆوققتي چتينليكلر اوْلدوغونو دئدي. باخ، بۇ سببلردن، اوْنون فداكارليغينا گؤره خديجه‌ني اۇنوتمورام.