*****

جاماعتی اذیته سالان آدام ملوندور.

*****

رۇزی ایسته‌مكده آسوده اوْلون. رۇزی‌نین گئج یئتیشمه‌سی سیزی حرام یوْللارا مجبور ائتمه‌سین. الله یوْلوندا سیزین اۆچون آیریلمیش رۇزی یالنیز عبادت ائتوكله اله گلر.

*****

بیلیك خزینه‌دیر, اوْنون آچاری سۇالدیر. بیلمه‌دیگینیز شئیی سوْروشون كی, الله سیزه اؤز رحمتینی اتا ائتسین. چۆنكی سۇال سوْروشماقلا دؤرد نفره ثاواب وئریلر: سوْروشانا, جاواب وئرنه, ائشیدنه و اوْنلاری دوْست سایانا.

*****

بیر نفر اوْ حضرتدن خاهیش ائتدی كی، اوْنا نصیحت ائتسین. حضرت بۇیوردو: "اوْددا یانسان و ایشگنجه آلتیندا اوْلسان بئله، هئچ نَیی اللها شریك بیلمه، همیشه قلبین آرام و ایناملی اوْلسون. آتا-آنانا اطاعت ائت. ایستر دیری، ایسترسه دؤلو اوْلسالار، اوْنلارا یاخشیلیق ائت، حتی سنه عائله‌ندن و ثروتیندن ال چكمیی امر ائتسه‌لر ده، دئدیكلرینی یئرینه یئتیر؛ چۆنكی آتا-آنایا اطاعت ایمانداندیر. واجیب نامازینی قصداً ترك ائتمه؛ هر كس بیر نامازی قصداً قێلماسا، اللهین پناهیندان كناردادیر. مبادا شراب، یاخود باشقا مستئدیجی شئی ایچه‌سن؛ بۇنلار هر پیسلیگین آچاریدیر".